Le nom es atestat en 1263, Fitela[5] e, segon Negre, de Fitolla en 1446 [6]. Hita, deu latin (petra) ficta, a lo sens de « bòrna », de « pèira plantada », entre duás parròquias (les vilatges d'aqueth nom serián sovent au limit d'ua parròquia, segon les Féniés), o autres territòris, sus d'ancianas viás (viás romanas o autres camins, eventualament medievaus), sovent de menirs; s'i ajusta le sufixe vengut de -aria[7],[8],[9]. Negre pensa que le nom ven deu gascon hitòla (véser sa fòrma anciana) e estoc remplaçat per hitèra. S'ageish d'un lòc on i a hitas, d'ua linha de demarcacion [6].
Istòria
Pendent l'Ancian Regime, La Hitèra èra de l'eleccion de Comenge (nocion diferenta de la diocèsi de Comenge), doncas de Gasconha, de la generalitat d'Aush, de la diocèsi de Rius e de la senescauciá de Pàmias. La glèisa, annèxa de Montberaud, qu'es devath lo patronatge de Nòsta Dauna. En l'an VIII, la comuna èra Lahitère e Montbernard (confusion damb Montberaud; i a un Montbernard, ancian canton de L'Isla de Haut, de segur tròp luènh per èsser lo meteis lòc) [10].
NB. Lo Dictionnaire des localités de la Haute-Garonne plaça Castillon-la-Grangette (ara La Grangette sus la RD 627) dens La Hitèra [11], mès las mapas plaçan en realitat aquera anciana annèxa de Gosens dins Montesquiu de Volvèstre. La comuna de La Hitèra es pas pro granda per que siá autrament.
Comunas de laNauta Garona (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg){kind=small}
.svg){kind=small}
.svg){kind=small}
.svg){kind=small}
