Las fòrmas ancianas son Brugimons, shens data, Brugimonte en 1289, Brugymont en 1433[5] e tanben, segon Negre, Brugimont en 1266, que caleré legir *Brugnimont[6]. Mès es malaisit de supausar ua error per qüate fòrmas ancianas, escampilhadas deu sègle XIII au sègle XV.
Segon Dauzat, Brinhemont veng deu nom germanic d'òme *Brunio e deu latin mons, « montanha » [7].
Segon Negre, Brinhemont veng deu nom germanic d'òme Brunicho e deu latin montem. *Bruni(ch)o- veng Brinhe-[6].
Istòria
Pendent l'Ancian Regime, Brinhemont èra de l'eleccion de Ribèra-Verdun, doncas de la província de Gasconha, de la generalitat d'Aush, de la diocèsi de Lombèrs, de la senescaucia de Tolosa. Le vocable de la glèisa es Sent Miquèu. Tanlèu 1790, Brinhemont èra deu canton de Cadors[8]. En 2015, suprimiscón le canton de Cadors e Brinhemont passèc au canton de Legavin, largament espandit.
La parròpia de Sent Pau de Colonha (deu nom de la vilòta prèpa), es dens la comuna de Brinhemont, probablament despuish l'origina. La glèisa es (com esperat) devath lo patronatge de Sent Pau[9]. Sent Pau guarda sa glèisa e son cementèri au sud de Brinhemont.
Sainte-Menne, nom francés, (o Saint-Menne, mapa de Cassini, error probabla), èra, com Brinhemont, de l'eleccion de Ribèra-Verdun, doncas de la província de Gasconha, de la generalitat d'Aush, de la diocèsi de Lombèrs, de la senescaucia de Tolosa. Tanlèu 1790, la comuna de Sainte-Menne èra deu canton de Cadors e l'incorporèn a Brinhemont en l'an II (1793-1794). La glèisa, annèxa de Sent Pau de Colonha, es, de segur, devath le patronatge d'aquera senta francesa [10], pauc coneishuda mès documentada pr'aquò [11].
Comunas de laNauta Garona (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg)
.svg){kind=small}
.svg){kind=small}
.svg){kind=small}
.svg){kind=small}
