Las fòrmas ancianas son Marellomonte en 1216 e 1259, Maurilmont en 1646 [5], Maurelmont en 1428 [6]. Dauzat e Rostaing, que coneissián pas de fòrma anciana, explican Mauremont per le nom latin o germanic d'òme Maurus e le latin mons [montem], « mont » [7].
Segon Negre, Mauremont ven del nom romanic de persona Maurellus, ambe montem[6].
Peirens
Le nom es atestat en 1428, Poyrenx[8]. Peirens s'explica benlèu coma Peirens (Aude), mes la fòrma anciana s'i opausa un pauc.
Segon Dauzat e Rostaing, Peirens ven del nom latin d'òme Petrus, ambe'l sufixe germanic -ing[9]; segon les Feniés, s'explica pel nom germanic d'òme Pero, ambe'l sufixe germanic -ingos[10] (meteis sufixe). Per la segonda solucion, caldriá supausar una atraccion de pèira.
Istòria
Pendent l'Ancian Regime, Mauremont èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa e de la senescauciá de Lauragués. Le vocable de la glèisa es Sant Martin. Tanlèu 1790, Mauremont èra del canton de Vilafranca. Lo nom de la comuna es Mauremont-et-Peyrens en l’an IV : la comunautat, puèi comuna, de Peyrens o Payrens fosquèc incorporada a Mauremont en l'an II [11].
Pendent l'Ancian Regime, Peyrens o Payrens, probablament Peirens en occitan, èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa e de la senescauciá de Lauragués. En 1790, la comuna efemèra de Peirens èra del canton de Vilafranca. Le vocable de la glèisa, annèxa de Mauremont, es pas conegut [12]. Sus la mapa de Cassini (segonda mitat del sègle XVIII), Peirens èra pas mai parròquia. Peirens es a un pichon km al sud-oèst de Mauremont, sus una tuqueta a costat de la RD 11.
Comunas de laNauta Garona (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg)
.svg){kind=small}
.svg){kind=small}
.svg){kind=small}
.svg){kind=small}
