Lo Raiet

Lo Raiet; Rayet
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
	Geografia fisica
Coordenadas	44° 40′ 41″ N, 0° 46′ 35″ E
Superfícia	10,02 km²
Altituds; · Maximala; · Mejana; · Minimala	; 167 m; 116 m; 87 m
	Geografia politica;
País	Guiana Perigòrd;
Estat	França;
Region; 75	Novèla Aquitània;
Departament; 47	Òut e Garona ;
Arrondiment; 473	Vilanuèva d'Òut;
Canton; 4735	Lo Naut Agenés Perigòrd (Vilarial abans 2015);
Intercom; 244700530	CC de las Bastidas en Naut Agenés Perigòrd;
Cònsol	Aimé Bertholom ; (2020-2026)
	Geografia umana
Populacion; Populacion totala; (2018)	180 ab. Evolucion de la populacion; 182 ab.
Densitat	17,47 ab./km²
	Autras informacions
Còde postal	47210
Còde INSEE	47219

Vilatge d'Occitània

Lo Raiet^[1] (Rayet en francés) es una comuna perigòrda ^[2]^,^[3], situada dins lo departament d'Òut e Garona e la region de Novèla Aquitània, ancianament d'Aquitània.

Geografia

Perimètre del territòri

Comunas confrontantas de **Lo Raiet ?**
Senta Sabina e Bòrn (Dordonha, c. novèla de Bèlmontés en Perigòrd), Masièras e Naressa per un qüadripunt	Rampiu (Dordonha)	Trolhac
Ribas		Parrancuèch
	Vilarial	Sent Martin de Vilarial

Toponimia

Bénédicte Boyrie-Fénié cita una sola fòrma anciana : Silva de Raieto, en latin, al sègle XII. L'article es usual en francés local ^[4]. Joan Tarde escriu Le Rayet (mapas de la prumièra meitat del sègle XVII) ^[5]. Lo nom Raiet, ven benlèu de raiet, diminutiu de rai (latin radius), tirat del vèrbe raiar / rajar. Seriá un nom de riu (cf. l'occitan las raièras qu'a aquel sens en Lemosin^[4]. La dificultat es que i a pas cap afluent de Dròt a costat (i a un riu nommat en francés Brayssou, mas es a 1500 m del castèl e del vilatge).

La prononciacion pausa d'autres problèmes. B. Boyrie-Fénié explica que lo nom sembla pas fixat. Pel castèl e pel nom de la comuna, se ditz [lurrɛ'ji] ([lurra'ji] pels locutors pas tan vièlhs), mas [lurrɛj'ba] (francés Le Rayet Bas) e [lurrɛj'naw] (francés Le Rayet Haut) e B. Boyrie-Fénié constata a bon drech una evolucion semblabla a la de Faiet dins La Mòta Faiet, vengut [-fɛj], per l'intermediari de [fɛ'je] e benlèu [fɛ'ji]. Las fòrmas [lurrɛ'ji] e [lurra'ji] li semblan degudas a l'influéncia de la grafia francesa (Le) Rayet. Curiosament prepausa pel nom de la comuna una grafia ni completament etimologica, ni completament fonologica Lo Rait, que falriá prononciar [lu'rrɛj] ^[4]. En realitat, sonque la prononciacion [lurra'ji] es fòrtament suspècta de francizacion. Pr'amor de la fòrça de l'accent tonic, de fòrmas coma [lurrɛj'ba] e [lurrɛj'naw] pòdon aparéisser a costat de la fòrma cardinala [lurrɛ'ji] e se fixar dins l'usatge. Mas pel nom de la comuna e del castèl, la sola causida es entre una grafia etimologica e fonologicament de mal descodar, Lo Raiet e una grafia estrictament fonologica, Lo Rèiít (çò qu'empacha pas d'escriure d'un biais fonologic tanben Lo Rèit Bas e Lo Rèit Naut).

Istòria

Aquesta seccion es voida, pas pro detalhada o incompleta. Vòstra ajuda es benvenguda !

En 1793, la municipalitat èra Rayet Mouleyrous et Gregoire ^[6], tres ancianas parròquias (St Gregòri, nom supausat, èra pas mai parròquia sus la mapa de Cassini e Mouleyrous i es escrit Moulceyroux, per Monseyrou sur las mapas IGN). I a tanben Monpayran o Monpeyran, que sembla parròquia sus las mapas del sègle XVII e qu'es ara desabitat ^[7].

Administracion

Lista dels cònsols successius
Periòde		Identitat	Qualitat
aost de 2014	2026	Aimé Bertholom ^[8]
mai de 2014	aost de 2014	Laurent Frankoual	adjunt fasent foncion
març de 1983	mai de 2014 (mòrt en foncion)	Georges Fauvel	retirat agricòla
1965	1983	Yvon Bertholom ^[9]
	1965
Totas las donadas non son pas encara conegudas.