Sus la mapa de Cassini (fin deu sègle XVIII), lo nom qu'es escrit St Martin de Horgues. Hòrgas que ven deu latin fabrica, qui volèva díser en latin « talhèr, obrador », puish « harga, talhèr de haure »; los escribas medievaus qu'escrivèven lo f- etimologic dens los mots gascons [2],[3]. L'evolucion qu'es quauquarren com : fabrica > *hàbrega (3 sillabas) > *haurga (sincòpa, qui fòrça b a se vocalizar en -u; -au- avant -r- es instable e pòt donar -a- o -ò-, d'aquí las variantas hòrga / harga). Lo plurau qu'es generau dens los derivats de fabrica. Lo determinant qu'a dispareishut de totas las fòrmas legalas despuish la Revolucion.
Sent Martin, en latin Martinus, avesque de Tors, qu'estó un evangelizator de las Gàllias au sègle IV [4],[5],[6] e las parròpias qui pòrtan lo son nom que datan normalament de l'Antiquitat tardiva o de la Hauta Edat Mejana.
Avant la refòrma cantonala de 2014, aplicada en 2015, la comuna qu'èra deu canton de Miranda ; qu'es adara deu canton Miranda-Astarac (burèu centralizator : Miranda).
.JPG)
.svg){kind=small}
