Las fòrmas ancianas son : Pauliacum vès 888, Villa de Paulageto en 1148, Pauliaguetum en 1255, Prioratus de Paulhaguet en 1316, Pauleiguet en 1401, Polhaguetum en 1444, Polhaguet en 1511 [4]. Observem la perta delh diftongue au- pretonic tanleu lo secle XV, en consequéncia d'una influéncia nordica.
La prononciacion aproximativa a Cònlat e a Josat z-es [puja'gi] [5] : la reduccion delh diftongue au- pretonic en [u-] e la barradura de -e tonic en [-i] son regularas. Paulhaguet, nos dison Dauzat e Rostaing, es lo diminutiu de Paulhac, format, z-elh, delh nom latin d'òme Paulius o Paullius, ambelh sufixe -acum[6]. Lo Paulhac pus près, a tres km a l'oèst de Briude, es un bon candidat. Solament, l'òrdre delhs faits es benleu diferent : Paulhaguet èra probablament un Paulhac a l'origina (veire la fòrma de 888) e lo diminutiu es la marca d'un besonh de diferenciacion. Los dos èran, probablament, de proprietats anticas.
Censat (*Sançac ?)
Las fòrmas ancianas son : Villa de Sansiaco en 1148 (Gallia Christiana), Censsac en 1379, Saint-Sac en 1401 [ora pro nobis], Mansus de Censat en 1444, Sansac en 1464, Parochia de Sansaco en 1464, Priorissa de Sancsaco alh secle XV, Censac-Lavaux[7].
La solucion pus probabla es que lo Censat francés èra un Sançac mau interpretat a causa delh francés, format delh nom latin d'òme Santius o Sancius, ambelh sufixe -acum[8], e non pas un Cençac, format delh nom latin d'òme Centius, ambelh sufixe -acum[9] o format delh nom gallic d'òme Cintios, atestat, derivat en -ācon[10]. Quenha es la prononciacion ?
Istòria
En 1789, Paulhaguet fasiá partida de la província d'Auvernhe, de l'eleccion e subdelegacion de Briude e delh ressòrt de Riam. Sa gleisa parochala, diocèsi de Sant Flor e archipreirat de Briude, èra delh vocable de Sant Estève; la priora de La Vau Dieu presentava a la cura. Un peatge saguèt suprimit per arrèst delh Conselh lo 26 d'octobre de 1744 [4].
Censat (*Sançac ?)
Censat (*Sançac ?) èra un priorat que dependiá de La Vau Dieu. La comuna, dita Censac-Lavaux dins lo diccionari topografic, saguèt incorporada a Paulhaguet per ordenança delh 11 de decembre de 1842 [7],[11]. Censat (*Sançac ?) es alh nòrd de Paulhaguet e La Vau es enquera mai alh nòrd. I a un bòsc de La Vau entremeija.
↑Albert Massebeuf, Pe Bride, à travers Brioude, Edition imprimerie Watel, Brioude, 1985. "Pouiague".
↑Jean Roux. De la renaissance d’une langue occitane littéraire en Auvergne au début du XXe siècle, au travers des oeuvres de Benezet Vidal et Henri Gilbert.. Linguistique. Université Paul Valéry - Montpellier III, 2020. Français. ⟨NNT : 2020MON30052⟩. ⟨tel-03264341⟩
Paulhaguet
Chassanha 
.svg){kind=small}
