Las fòrmas ancianas son Ferrusac en 1234, Ferrussacum en 1353, Ferrussat en 1388, Ferroussac en 1401, Ecclesia de Frussacho alh secle XV, Ferussat en 1669 [1].
La prononciacion aproximativa z-es [faɾy'sa] [2].
Segon Dauzat e Rostaing, que citan l'atestacion de 1234, Ferrusac, Ferrussac o, melhor, Farruçac, coma las autras localitats d'aquel nom, ven delh nom latin d'òme Ferucius o Ferrucius, amb lo sufixe -acum[3]. Se tracta donc d'una propietat rurala d'origina gallo-romana. Los Feniés, probablament en seguida d'Ernèst Negre, causisson puslèu Ferruntius, per lo vilatjòt omonime de la comuna de Recacòrn, amb lo mesme sufixe [4].
Que lo nom de persona siá Fer(r)uçius o Ferruntius, la grafia corrècta del nom es Farruçac : segon Loís Alibèrt, « Lo son s sorda derivant de ci, ti, chi, c + e, i latins es grafiat c davant e, i; davant a, o,u cal emplegar ç » [5]. Veire article catalan «Ferruçac d'Arlet» (sic).
Chassanhòlas
Le nom francés z-es Chassignolles. Luòc situat au nòrd-èst de la comuna. Las fòrmas ancianas son : Chassaignolles en 1337, Mansus de Chassanholas en 1351, Chassanholles en 1502, Sachinolles en 1511 [6].
La prononciacion aproximativa z-es [tsasa'ɲɔɾə] [2].
Lo nom z-es identic a la comuna de Chassanhòlas, mes z-es probablament pas un transferiment. L'explicacion z-es benleu diferenta : un derivat collectiu delh resultat delh gallic cassanos « jàrric ». Lo nom francés a patit de l'influéncia delh nom oficiau, erronèu, de la comuna.
Istòria
En 1789, Ferruçac dependiá de la província d'Auvernhe, de l'eleccion de Briude, de la subdelegacion de Lanjac e delh ressòrt delh presidial de Riam. Sa gleisa parochala, diocèsi de Sant Flor e archipreirat de Lanjac, èra delh vocable de Sant Joan; lo prior de La Vòuta presentava a la cura. Per ordenança reiala delh 28 d'aost de 1834, la comuna de *Nòstra Dòna delh Cròs (nom supausat) saguèt incorporada a Ferruçac [1]. Lo Cròs es situat alh sud de la comuna.
Aquesta seccion es voida, pas pro detalhada o incompleta. Vòstra ajuda es benvenguda !
Ferruçac
Arlet 
.svg){kind=small}
