Las fòrmas ancianas son : Oraria en 908, Aureira en 951, Lairera..., Leyreria en 1119, Castrum e villa de Laireria en 1208, Villa de Aureria en 1215, Laureria en 1228, Oreira en 1242, Orgia en 1246, Aureria..., Laireria en 1248, Ecclesia de Layreria, diocesis Narbone en 1317, Layreira en 1328, Layroria = Layreria en 1366, Layreyra al sègle XIV, Ecclesia Beatae Mariae de Layreria en 1416, Villa Leyrerani en 1521, Leyrera en 1537, Leyrières..., Leyrera..., Leyreras..., Layriera en 1538, Orgian en 1247-1589, Layrière en 1610, Lairière en 1781. La prononciacion occitana es Larièro[1], dins la grafia de l'abat Antòni Savartés, donc [la'ɾjɛɾɔ], per una grafia Larièra.
Segon Dauzat, « l'ancian provençal » aurièra, « broá, marge, vòra », sembla pas possible; Larièra vendriá del latin aura, « vent », ambe'l sufixe -aria e aglutinacion de l'article [2]. Pertot bufa lo vent... atraccion de aire, estant lo vilatge enlairat, puèi dissimilacion finala esperada.
Abans la refòrma cantonala de 2014, aplicada en 2015, la comuna èra del canton de Motomet; es ara del canton de Las Corbièras (burèu centralizator : Fabresan).
.svg){kind=small}
