Las fòrmas ancianas son : Villa Scalas, vel Scalelas majores vel minores..., ad Schalilias minores..., ad Sanctum Martinum qui est fundatus in villa Schalas, en 979, Sanctus Martinus de Scalas, in territorio Narbonensi en 1096, Sanctus Martinus de Scalis en 1231, Castrum de Scalis en 1251, De Escalis en 1271, Escalas al sègle XIV, Escallas en 1538, Escalhas..., Esqualhas en 1538, Escalles en 1774. La prononciacion occitana es Escálos[1], dins la grafia de l'abat Antòni Savartés, donc [es'kalɔs].
Segon Dauzat, Escalas ven del latin scala, « escala », mes lo sens seriá d'una penda escalabrosa, d'una còsta regda, d'una pujada [2],[3]. Cal pujar un pauc per anar al vilatge dempuèi lo nòrd o lo nòrd-oèst, mes la motivacion poiriá èsser los travèrses qu'environan los puèges que pòrtan la torre del sègle XI, al sud-èst.
A la refòrma cantonala de 2014, aplicada en 2015, la comuna, qu'èra del canton de Lesinhan de las Corbièras, i demorèt; dempuèi 2016, lo canton es vengut Le Lézignanais.
.svg)
.svg){kind=small}
