Las fòrmas ancianas son : Villula de Caunetis en 1110, Villa de Caunas en 1111, Villa de Caunetis en 1260, In decimali Beate Leocadie De Caunetis Vallis Daniae en 1269, Castrum de Caunetis en 1324, Rector de Caunettis Vallis Daniae en 1347, In loco de Caunetis en 1351, Calmeta = Calneta en 1416, Caunettes en Val en 1781. La prononciacion occitana es Caunétos[1], dins la grafia de l'abat Antòni Savartés, donc [kaw'netɔs]. Caunetas vená del mot occitan cauna, d'origina prelatina, ambe'l sufixe diminutiu -ĭtta[2],[3]. Lo diminutiu s'explica probablament per la pichonetat de l'aglomeracion (véser l'atestacion de 1110) puslèu que per la de las caunas, benlèu per comparason ambe la vila de Caunas de Menerbés.
.svg)
.svg){kind=small}
