Las fòrmas ancianas son : Sancti Audoeni en 1185, Sanctus Audoenus vers 1315. La prononciacion es [sɛ̃ t wɛ̃] [1]. Sent Oen representa Audowin o Audoenus (latinizacion), evesque de Roan au segle VII, mòrt en 684 (o 694 ?) [2],[3],[1],[4].
Baissac
Beyssat en francés. Ven dau nom gallic d'òme Bascios o dau nomen Bassius (Negre, B. Boyrie-Fénié), tots per d'autres luecs aparentats, emb lo sufixe -acum[5],[6],[7], mas Bassius + -acum mena a Bassac, sens desvolopament d'un iòd antepausat. Adonc Bascios.
Maunisme, Monisme (noms supausats)
Monisme es probablament lo mesme nom que Molesme, Molesmes, Molosmes e Moulismes, atestat Monisma en 1185 : lo passatge de -l- a -n- es aisat. Chau donc 'gachar la solucion daus especialistas per 'queu tipe de nom.
Segon Dauzat e Rostaing, seria un compausat gallic emb lo sufixe de superlatiu -sama; lo radicau es pas segur, benleu magulo-, derivat de magos, « champ » [8]. Xavier Delamarre fai de 'queus noms lo resultat d'un etime *magulisamon o *magulisama, de sens mausegur. L'evolucion probabla seria *Magu- > *Maɣu- > *Mau- > Mo- [en francés] [9].
Istòria
En 1829, Mounisme(s) (nom francés) fuguet estachada a Sent Oen [10]. Era paròfia au segle XVIII.
.svg){kind=small}
