Màntova o Màntoa (in latinMantua, mantegnù anca in mantovan e in inglexe) el xe on comun de sirca 48 000 abitanti, caołogo de ła omonima provincia. Ła xe parte de l'area metropułitana de ła Granda Màntova, che ła contien qualche comun intorno par rivar a 100 000 abitanti, a ocio.
Ła se cata inte ła Łonbardia Orientałe, a vinti minuti da Verona, infrà el Po e'l Mincio, pì visina a st'ùltemo. Ła ga intorno tri łaghi artifexałi (Superior, de Mezo, Inferior) che na volta i gaveva el scopo de deféndare ła sità, insieme a queło che par raxon ixeniche el xe stà sugà, el Paiolo.
Ła xe famoxa perché visin a eła ghe xe nasuo el poeta łatin Virgilio e par ła fameja dei Gonzaga, che ła ga governà ła sità e i soi posedimenti dal 1328 fin al 1708. Sti siori i ga ospità pareci artisti inportanti come Donatello e Andrea Mantegna e ła sità ła xe piena de monumenti e edifisi davèro bełi, come el Pałaso Te e'l Pałaso Dogal. Màntova, insieme a Sabioneta, ła xe un patrimonio de l'umanità proteto dal'UNESCO e par el 2016 ła xe nominada "Capital italiana de la cultura".
Evolusion demografica
Abitanti censii
Quartieri
Belfiore, Borgo Angeli, Borgo Belgioioso, Borgochiesanuova, Cinciana, Cittadella, Dosso del Corso, Due Pini, Frassino, Lunetta, Te Brunetti, Trincerone, Valletta Valsecchi, Valletta Paiolo, Virgiliana.
