Po
El Po (in antighità el jera cìamà Eridano) el xe un fiume de ła Eoropa Meridional, che drena ła Pianura Padana. IdrografiaEl score par 652 chiłometri atraverso l'Itàlia setentrionałe dal ponente verso al oriente. La sò sorjente se trova a Pian deł Re, intel Monviso (nełe Alpi Cozie), e dopo ver fato tuta ła Pianura Padana el se buta intel Mar Adriatico, intel teritorio de ła provincia de Rovigo. El bacin idrografego del Po el se destende sirca su 71 000 km². El registra a ła foaxe na minima de 270 m³/s, na mexa (1 540 m³/s), e na masima de (13 000 m³/s). Rexime idrogràfegoDa ła parte a nord el xe impostà sułe Alpe, da staltra parte a sud, sul'Appenin Setentrionałe, de conseguensa el rejime del fiume el xe misto de tipo alpin (cò piene in primavéra e in ìstà e seche in inverno) e de tipo appeninico (cò piene in primavéra e in autuno e seche in istà). De serto tra i dò tipo de rejime prevałe queło apeninico parchè anca se i jasari alpini moła xò acoe in istà, xe proprio in stà stajon che se rejistra i minimi de portata (de sołito in agosto). AfluentiIntrà i afluenti del Po catemo rispeto a ła diresion de l'acua:
IstoriaIn tel Medioevo el ramo prinçipale del delta el xera costituìo dal'atuale Po (morto) de Primaro, che pasa a sud de łe Vałi de Comàchio e che, da ła metà del XVIII secolo, el xe deventà ła parte finale del fiume Reno (che na olta el xera anca lu afluente del Po) e inte el quale el Reno stesso el xe stà fato pasar dopo de ła creasion del Cao Benedettino. InportansaTorno al bacin del Po vive sirca 16 miłioni de aneme che łe xe concentrà par pì de on terzo intel'industria e inte ła produsion agricoła nasionałe, coxì come pì de ła metà del patrimonio zootenico. Tuto questo rende el Po e el só bacino na xona nevralgica par l'intiera economia italiana e una de łe xone, in Europa, co ła màsima conçentrasion de popołasion, d'industria e de comercio. El delta del Po el xe stà dichiarà patrimonio del'umanità dal'UNESCO.  Sità prinçipałi traversè dal PoCartografiaŁa prima mapa del Po ła xe stà volùa da Napoleone. I cartografi francesi i gà quindi disegnà, dal 1811 al 1814, 38 tavołe de 600x866 mm, in scala 1:15 000, fate a china e colorè ad acquareło. L'opera cartografica ła xe stà quindi continuà co l'instaurasion del Regno Lombardo-Veneto da parte dei Austriaci, che i gà disegnà el trato da Ficarolo fin a ła confluensa del Ticino (1815). Solo co l'Unità d'Italia se gavarà finalmente un'opera cartografica piessè conpleta del fiume, quando Francesco Brioschi (1887) el farà na nova mappa a stanpa da Moncalieri fin al delta. Sta mapa la xe in na tavoła unica (730x9000 mm) in scala 1:50 000, e ła xe doparà oncora deso par i agiornamenti e ła rapresentasion del fiume. AutoritàEl fiume el xe soto l'autorità de un magistrato speciale dito Magistrato de łe Aque. Cołegamenti forèsti
Itałia · Vèneto · Emiłia-Romagna · Provincia de Rovigo · Provincia de Ferara
|
||||||||||||||||||||||||||||||||||||||||||||||
