John Cockcroft

John Douglas Cockcroft
John Douglas Cockroft
Biografia
Naissença	27 de mai de 1897 Todmorden, Anglatèrra
Mòrt	18 de setembre de 1967 Cambridge, Anglatèrra
Activitat
Distincions	Prèmi Nobel de Fisica en 1951

John Douglas Cockcroft (Todmorden, West Yorkshire 1897 - Cambridge 1967) foguèt un fisician anglés premiat amb lo Prèmi Nobel de Fisica l'an 1951.

Nasquèt lo 27 de mai de 1897 dins la vila anglesa de Todmorden. Estudièt a l'escòla de segondària de la siá vila natala, en estudiant posteriorament matematicas a l'Universitat de Manchester. Lo 1928 trabalhèt coma investigador al Saint John's College, carga qu'ocupèt fins l'an 1946.

John Dogulas Cockcroft moriguèt lo 18 de setembre de 1967 dins la vila de Cambridge.

L'an 1932, e en collaboracion amb lo fisic Ernest Walton, foguèt lo primièr a desintegrar un nuclèu atomic amb particulas subatomicas acceleradas artificialament. Per desvolopar las siás investigacions usèron un accelerador de particulas qu'avián desvolopat per bombardar atòms de liti amb protons, en observant cossí qualqu'uns dels atòms de liti absorbien un protó e se desintegraven en dos atòms de èli.

Entre 1941 e 1944 foguèt supervisor cap del departament d'Investigacion e Desvolopament de las Fòrças Aerianas britanicas, e dempuèi 1944 a 1946 exerciguèt coma director de la division d'energia atomica del Conselh d'Investigacion Nacionala de Canadà.

L'an 1951 foguèt premiat amb lo Prèmi Nobel de Fisica, que partegèt amb Ernest Walton, per los sieus trabalhs sus la transmutacion dels nuclèus atomics mejançant l'usatge de particulas artificialament acceleradas.

• Portal de la fisica