Roumieh

Roumieh
Roumie
by
Land	Libanon
Guvernement	Libanonfjella guvernement
Distrikt	Matn distrikt
Høgd	550−700 moh.
Koordinatar	33°52′28″N 35°39′00″E / 33.87450°N 35.6500°E / 33.87450; 35.6500
Folketal	5 000
Tidssone	EET (UTC+2)
•  Sommartid	EEST (UTC+3)
Retningsnummer	+961
Roumieh 33°52′52″N 35°36′55″E / 33.881111111111°N 35.615277777778°E / 33.881111111111; 35.615277777778
Kart som viser Roumieh.

Roumieh er ein landsby nordaust for Beirut i Libanon. Han er omgjeve av furukledde åsar og ligg 5-10 minuttars køyretur frå kysten. Roumieh er kjend som ein behageleg, vakker fjellandsby med mange hagar.

I tillegg til furuskogar vert det dyrka vindruer, fiken, oliven og timian. Landsbyen er kjend for produksjonen av Arak.

Landsbyen består hovudsakleg av maronittiske katolikkar og gresk-katolikkar, men òg gresk-ortodokse og armensk-ortodokse. Han har kring 5000 innbyggjarar.

«Roumieh» kjem frå arameisk, som tyder «åsar» refererer til det lokale terrenget.

Landsbyen vart grunnlagd kring 1500, men det var først på 1900-talet han byrja å vekse. Med ein diaspora i vesten og Latin-Amerika vart landsbyen velståande samanlikna med liknande landsbyar, og innbyggjarane vart i aukande grad utdanna.