Full storm Full storm er den midtre av stormkategoriane med kategori 10 på beaufortskalaen.[1] Vindsnøggleiken er då 24,5 til 28,4 m/s, 88-102 km/t eller 48–55 knop.[2] I eldre sjønemning heiter vindstyrken «storm». VerknadPå landFull storm er sjeldan inne i landet. Han kan føra til at tre rotveltar, og kan gjera stor skade på hus.[1] Til fjellsFull storm og høgare vindstyrker vil dei fleste aldri kome ut for på fjellet. Tre kan velta over leidningar for telefon og straum. Det knakar i tømmerveggar. Lette småhus kan verta rivne av grunnmuren.[1] Til sjøsStormen lagar særs høge bølgjer (9–12,5 m) med lange, overhengande kammar. Skummet vert danna i store flak, og driv med vinden i tette kvite strimer så sjøen får ein kvitaktig utsjånad. Rullinga blir tung og støytande. Redusert sikt.[1] Namn på andre språk
Kjelder
|
