Accelerate

Accelerate er eit musikkalbum av den amerikanske musikkgruppa R.E.M. som vart utgjeve i 2008. Arbeidet med albumet byrja tidleg i 2007. Bandet starta innspelinga saman med produsent Jacknife Lee i Vancouver og Dublin, der dei spela fem kveldar mellom 30. juni og 5. juli i Olympia Theatre, som ein del av ei «øving til arbeidet».

Albumet debuterte som nummer to på Billboard-listene, og vart det åttande albumet til bandet som toppa dei britiske albumlistene. Musikkmeldaren i Rolling Stone, David Fricke, rekna Accelerate for å vere ei betring etter dei andre albuma som hadde kome etter at Berry hadde slutta. Han kalla det «ei av dei beste platene R.E.M. nokon gong har laga.»^[1]

Alle tekstane og melodiane er ved Peter Buck, Mike Mills og Michael Stipe.

1. «Living Well Is the Best Revenge» – 3:11
2. «Man-Sized Wreath» – 2:32
3. «Supernatural Superserious» – 3:23
4. «Hollow Man» – 2:39
5. «Houston» – 2:05
6. «Accelerate» – 3:33
7. «Until the Day Is Done» – 4:08
8. «Mr. Richards» – 3:46
9. «Sing for the Submarine» – 4:50
10. «Horse to Water» – 2:18
11. «I’m Gonna DJ» – 2:07

• Buckley, David: R.E.M.: Fiction: An Alternative Biography (Virgin, 2002)