Anglofreesche Spraken

Anglofreesch is ene striedige Ünnergrupp binnen de westgermaanschen Spraken, de alle Engelsch mit Scots, Yola un Fingallsch un de freeschen Spraken tohoopfaat.

Wieldes Anglofreesch in öllere Tieden noch as geneetsche Eenheid Grupp gull, de op ene gemeensche anglofreesche Oorspraak torügggeit, geev dat in ne’ere Tieden veel Kritik an dat Anglofreesch as phylogeneetsche Spraakgrupp.^[1][2] Vundaag heerscht daarför de Ansicht, dat de noordseegermaanschen Sprakenl, een Dialektkuntinuum billen, uut dat in de Völkerwannertied in’n 5. Jhd. dree Spraken Ooldsassisch, Ooldengelsch un Ooldfreesch ranwussen.^[3] De Anischt, dat de anglofreeschen Spraken een gemeensamen Telgen binnen dat Westgermaansch billt, givt dat avers ook vundaag, wenn ook seltener.^[4]

In’n 1950-er Jaren beschreev Hans Kuhn de Gemeensamkeiden, indem dat de Spraken as egen Spraken uut dat Noordseegermaansch ranwussen un later wedder döör Spraakuntakt Gemeensamkeiden uutbillen. Düsse Ansicht gellt as unwaarschienlich, denn dat Engelsche un Freesche weren to de Tied, in de se düsse Gemeensamkeiden döör Spraakkuntkt ruutbillt hebben köönt, al döör de Noordsee scheden.^[5]

De anglofreeschen Spraken wiest een Reeg Luudwannel, de eer vun de annern westgermaanschen Spraken apart sett. Wieldes dat Nasaal-Spirant-Gesett ook in dat Plattdüütsche to finnen is, is dat anglofreesche Fronting un de Palatalisatschoon ene anglofreesche Egenheid.

• Engelsch cheese, Scots cheese un Westfreesch tsiis, man Nedderlandsch kaas, Plattdüütsch Kees, un Hoogdüütsch Käse,
• Engelsch church, un Westfreesch tsjerke, man Nedderlandsch kerk, Plattdüütsch Kerk(e)/Kark(e), un Hoogdüütsch Kirche, though Scots kirk,
• Engelsch sheep, Scots sheep un Westfreesch skiep, man Nedderlandsch schaap, Plattdüütsch Schaap, Hoogdüütsch Schaf.

1. ↑ Bazelmans 2009, S. 326.
2. ↑ Stiles 2018, S. 31.
3. ↑ Bazelmanns 2009, S. 325 f.
4. ↑ Colleran 2019, S. 78.
5. ↑ Buczek 2020, S. 251 f.