Participio present en francés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O participio present en francés (participe présent) deriva d'o participio activo de present latín. Ye una forma verbal invariable y expresa una acción en proceso d'execución. Puede levar complementos^[1].

A part d'o participio present francés propiament dito, bi ha un cherundio u cherundivo (gérondif) y un adchectivo verbal acabau en -ant, -ante (adjectif verbal). O cherundio u cherundivo francés se fa con a preposición en debant, l'adchectivo verbal en -ant corresponde a los adchectivos equivalents en aragonés acabaus en -ant, -anta u -(i)ent, -(i)enta.

O participio present d'o francés propiament dito se puede traducir con un cherundio en aragonés en bel caso, pero presenta uns emplegos mes amplos y no siempre se'n puede fer una traducción literal palabra a palabra:

• La mère préparant le déjeuner parle avec sa voisine.
  • A mai que prepara a chenta charra con a suya vecina.
• L' enfant lisant des bons livres est intelligent.
  • O nino que leye buens libros ye intelichent.

En francés se diferencia ortograficament o participio present respecto a l'adchectivo verbal. O participio present s'escribe con os digrafos qu-, gu- y ge- (provoquant, fatiguant, négligeant), a diferencia de l'adchectivo verbal homofono, que s'escribe con c-, g- u g-^[1].

• (es) Gramática francesa. Larousse Editorial, S.A, 2000.
• (es) Jesús Cantera y Eugenio de Vicente: Gramática francesa. Editorial Cátedra, S.A., 1999.
• (fr) Jacky Girardet, Jean-Marie Cridlig: Panorama Plus 1 Méthode de français. Santillana-Clé International, 1996.
• (fr) Jacqueline Picoche y Jean-Claude Rolland: Dictionnaire étymologique du français. Dictionnaires Le Robert, 2009. ISBN 2849024244, 9782849024249.
• (fr) Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015.
• (fr) Maïa Grégoire, Odile Thiévenaz: Grammaire progressive du français. Clé International, 2002.