Woaterspuger

Ne woaterspuger, of gargouille in 't Frans, es en functioneel en decoratief element an de doakn van hoge gotische gebouwn.

Woaterspugers zyn functioneel omdan ze zynder 't rèinwoater van de doakn ofvoern zounder dat et lanks de meurn na beneen lopt en nattigheid kut geevn. Ze zyn decoratief omdan ze bykans osan kluchtige, fantastische ofbeeldiengn zyn van persoonn, beestn of mounsters.

Kerkn en kathedroaln zyn van binn hillige, gewyde plekkn moar an 'n buutnkant kreegn de bouwermeesters vry spel. Woaterspugers woarn de bouwelementn by uutstek voe under fantasatie te toogn en voe te lachn mèi de geweune mienschn of mèi de geestelikkn. Juste doadeure zyn woaterspugers getuugn van de fantasie van de middeleeuwsche mienschn.

Typische figeurn die ofgebeeld woarn lik woaterspugers:

• simpele mienschn, boern
• de bouwvakkers zevve
• geestelikkn - voe te toogn dan ze zynder ook nie osan even katholiek en woarn
• joodn - die in de middeleeuwn dikkers et mikpunt van spot woarn
• exotische beestn - e verwyzienge noa de kruusvoartn uut dienen tyd
• duvels en mounsters - vo de geweune mienschn benauwd te moakn

• 
  Woaterspuger an d'Ouze-Lieve-Vrouwekerke van Kortryk
• 
  Woaterspuger an de Sint-Janskathedroale van Den Bosch, Olland
• 
  Woaterspugers up de Munster van Freiburg, Duutsland
• 
  Woaterspuger an de kathedroale van Chichester, Iengeland

Ofbeeldiengn die ier by passn ku je vien in de categorie woaterspugers van Wikimedia Commons.

Ounderdeeln van kerkarchitectuur

Ounderdeeln van kruuskerkn:  Absis · Koorommegank · Luchtbeuke · Middnbeuke · Priesterkoor · Stroalkapelle · Transept · Vierienge · Westbouw · Zybeuke Bouwkundige ounderdeeln:  Arcade · Boge · Boovnlucht · Fronton · Kapitêel · Luchtboge · Roundboge · Scheeboge · Spitsboge · Steunbeir · Tribune · Triforium Decoratieve ounderdeeln:  Archivolt · Dwerggalery · Lisene · Lombardischn band · Pilaster · Pinoakel · Voluut · Woaterspuger Gewelftypes:  Kruusgewelf · Tungewelf