Seldery

Seldery
Taxonomische indêlienge
Ryk: Plantae (Plantn) Stamme: Embryophyta (Landplantn) Klasse: Spermatopsida (Zoadplantn) Orde: Apiales Familie: Apiaceae (Schermblommigen) Geslacht: Apium
sôorte
Apium graveolens L., 1753

Seldery of selder (Apium graveolens) is e tweejoarig kruud van de familie van de schermblommigen. 't Is te vergelykn me perselle moa 't het e veel sterkere smoake. 't Twidde joar kommn der crèmekleurige blommn an.

Seldery komt ôorsprounkelik uut 't gebied van de Middellandsche Zêe, moa den dag van vandoage wordt 't over hêel de weireld gekwikt.

In de klassiekn tyd was 't al gekend als geneeskrachtig kruud. 't Het e vochtofdryvende zuverende werkienge, 't is appetytipwekkend en 't bevat vele vitamine C, calcium en yzer.

Seldery wordt gebruukt in bouillong, soepe (tegoare me poreie), stoverie, mussels, omelette, kruudnbeuter en in e bouquet garni vo z'n pittige en krudige smoake.

De grôte varioatie an seldersôortn is ounder te verdêeln in drie grôte groepn:

• Apium graveolens var. secalinum (groene selder of snyselder)
• Apium graveolens var. dulce (blêekselder)
• Apium graveolens var. rapaceum (knolselder)

E miengelienge van selderyzoad mè zout wordt rystepiet genoemd.

Ofbeeldiengn die ier by passn ku je vien in de categorie Celery van Wikimedia Commons.