Lo is e pleksje in de Belgische provinsje West-Vloandern en e deelgemeente va Lo-Rênienge. Lo is een kleen middeleeuws stadje; by de gemeentelike fuusjes va 1977 werd et e stik van Lo-Rênienge, en de hele fuusjegemeente kreeg de stadstitel in 1985.
De Caesarboom is een oude taxusboom (geweune venynboom), nevest de Westpoorte. Volgens de legende zoe Julius Caesar, ton dat 'n ounder boane was noa Brittannië, ier gestopt èn, e ze peerd an diene boom èn vastegeboendn. 't Is wel e legende, moa toch is diene boom redelik oud. De holle stamme is teegnwoordig toegemetst, en de takkn zyn met yzern stangn oundersteund. Volgens dendroloogn es den bôom die dat er nu stoat, verzekers moa 'n dikke 300 joar oud.
De Westpoorte, een oude stadspoorte die ol van round 1250 dateert
In de Weststroate stoat 't geboortuus va paster Alfons Van Hee, den eesten oofdredacteur van de volksalmanak 't Manneke uut de Mane.
De neogotische Sint-Pieterskerke, e stik van de vroegere Augustynerabdie (1093-1797).
