Johan Bruyneel

Johan Bruyneel (Yzegem, 23 ogustus 1964) is e sportdirecteur en ex-coureur. Bruyneel wos prof van 1987 toet 1998. J'ad de typische styl van e tydryder, dus ni van een ofwerker an de mete.

Grotste overwinniengn

1990: Rounde van de Toekomst
1991: Rund um den Henninger Turm
1991: 3de etappe in de Midi Libre
1992: Grôte Landenprys
1992: 12de etappe in de Rounde van Spanje (Vuelta)
1993: 6de etappe in de Rounde van Vrankryk (Tour de France)
1995: 7de etappe in de Rounde van Vrankryk
1995: 5de etappe in de Midi Libre
1995: 3de in 't klassement van de Roende va Spanje
In totoal: 29 profzeges.

Achter ze carrière kwam Bruyneel sportdirecteur by Discovery Channel (vroegere noame: US Postal). De sterre van de ploeg wos Lance Armstrong die 7 kêers de Tour de France woun en die van Bruyneel ôok e woordje West-Vlams gelêerd èt. In ogustus 2007 verkloart Bruyneel dat'n stopt mi de koers als ploegleider. Volgens nem omdat'n 't maximum d'r uutoald et, en dat vanaf nu ollêne bergof gienk goan. Begun oktober 2007 kêert Bruyneel op zyn stappn were. E verkloart datn manager goa zyn van Astana, e ploeg die datzelfste sezoen zwoar eleedn et ounder de dopienggevalln (Vinokourov, Kashechkin).