Durme De Durme is e Belgische zyriviere van de Schelde met e lengte van ca. 23,6 km. Z' ountstoat uyt de soamnvloeiinge van de Moervoart en de Zuydlede in Daknam, e deelgemeente van Lokern, en moundt uyt in de Schelde by Tielrode, e deelgemeente van Temse. De riviere is deels e getyderiviere, wat da wil zegn da z' ounder invloed stoat van ebbe en vloed in heur beneenloop. Vroeger was ze vele langer en speelde z' e belangryke rolle in de drainage van 't Meetjesland. De Durme is sterk beïnvloed gewist deur menschelike ingreep'n lik kanalisoasje en 't ofsniën van meanders. Ze vormt de nateurlike zuydgrenze van de gemeente Woasmunster over een ofstand van ca. 13 km. Deeln van de riviere moak'n deel uyt van 't Natura 2000-gebied 'Schelde en Durme- estuarium'. De riviere kent een ryke oeverbegroeiinge. Dorp'n en gemeent'n langst de Durme zyn: Daknam (Lokern), Durmen (Zele), Sint-Anna (Hamme), Rodendries (Woasmunster), Elversele en Tielrode (Temse).
|
