Trèdaze Comuni

Trèdaze Comuni

I Trèdaze Comuni (Cinbro: Dreizehn Komoin, todesco: Dreizehn Gemainden, itałian: Tredici Comuni) son n'area de ła provincia de Verona, localizà al sentro de ła Łesinia, nełe Prealpi Venete. Zè delimità ad ovest da el Vajo de i Falconi, a est da ła provincia de Vicensa intè l'alta val del Cianpo. Fin ała caduta deła Republega de Venesia, i trèdaze comuni consistèa n'area autonoma organizà in trèdaze comuni.

1. Veło Veroneze, capoluogo del distreto (ciamà in cinbro Velije o Feld)
2. Roaré de Veło, ogi ciamà Roaré (in cinbro Roveràit)
3. Valdiporo, frasion de Cesanòa, in cinbro
4. Asarin (nome dezueto che indica łe contrade a nord-est de Veło)
5. Camposilvan, contrada de Veło, in cinbro Kampsilvam
6. Progno e Jassa (in cinbro Brunghe e Ljetzan)
7. Sprea co Progno (ogi Badia Całavena)
8. Saline (ogi Sałine), in cinbro Salain
9. Bosco Frisolana, ogi Cesanòa, in cinbro Nauge Kirche
10. Tavernołe, frasion de Sałine
11. El Sèro, in cinbro Alferìa o kame Cire
12. Erbezo, in cinbro gen Wiese
13. San Bortoło, frasion Progno, in cinbro Bòrtolom

I trèdaze comuni inisian intè'l XII secoło ad aver na propria identità, cuando ne ła zona arivaron cołoni bavarezi e tirołezi afin a cueło che se stava xa riversando so el altopiano de Axiago. Così se formò na picoła oaxi zermanega, co na łengoa, el cinbro, e usanse diverse da cuełe del teritorio.

Ła cultura cinbra, parò, non se difùse ugualmente in tuto el teritorio, soto a Cesanòa, Roaré, Badia Całavena zera molto scarso.