San Pieroburgo ła xe na sità de ła Rusianord-osidentałe, sol Mar Baltego e ła xe ł'ex cavedal de ła nasion. Fondà dal zarPiero el Grande, el xe uno dei prinsipałi sentri culturałi de ł'Eoropa. Co oltre 4,7 milioni de abitanti (2002), ła xe atualmente ła seconda sità de ła Rusia par dimension, nonché el porto pì inportante.
On ponte so ła Neva fotografà durante na "note bianca"
Ło Zar Piero el Grande el ga fondà ła sità el 27 de majo (16 de majo inte el całendario giuliano ałora in vigor) 1703 dopo aver conquistà a ła Svezia i teritori traversà da ła Neva.
El ga dà a ła sità el nome del so santo patron, ł'apostołoSan Piero. El nome orixinale de Sankt Piter burkh el gera in realtà ołandexe; Piero el Grande el gaveva visù e studià in chel paexe par un periodo de tenpo e el gera un amirador de ła corte e de ł'architetura ołandexe.
Łe forteze svedexi de Nyen e sucesivamente de Nöteborg łe gaveva in precedensa ocupà ł'area, inte łe pałudi dove ła Neva ła se buta inte el Golfo de Finlandia. I servi i ga fornio gran parte de ła manodopara par el projeto, che el ga conprexo el prosiugamento de łe pałudi e ła costrusion dei edifici. Secondo una de łe stime a sarìa morte 30 000 persone.
.svg)
.svg)
