Letor MP3 El letor MP3 (pronuncià emepitrè) el xe un marchingegno portatile par scoltar la musica, codificà in formato MP3 (o volendo anca in altri formati come AAC, WMA, FLAC etc.). Grazie a le so ridote dimension (se pol tegnerlo tranquilamente in scarsela) e a la granda difusion de le canzoni MP3, el ga ciapà el posto de dispositivi portatili piì veci come el walkman o el letor de CD portatile. MP3 e computerEl se taca al computer tramite la porta USB, e se pol copiarghe inzima le canzon che uno el ga inte el computer (otegnue cronpandole su Internet o tirandole zo da un CD, o anca scaricandole co i programmi peer-to-peer, anca se no sarìa mia legal). La memoria interna dove xe conservà le canzon la pol esar na memoria flash, simile a quela che ghe xe ne le ciavete USB, oppure un disco duro (che el tien piesè canzon, ma el xe anca pi grando e pesante).
|
