WordPress (WordPress.org) ni programu ambayo inawasaidia wenye blogu kuweka makala katika blogu zao kwa urahisi. Imetengenezwa na PHP na MySQL. Programu hii ni ya bure yaani mtumiaji hahitaji kulipa chochote ili kuitumia. Huwa pia ni programu huria yaani kila mtu anaweza kuendeleza programu hii na kuiboresha zaidi. Kando na kutumika na wanablogu, WordPress pia hutumika na wenye jukwaa (forum) za kujadili mambo kadha wa kadha, wanaoweka picha mbalimbali katika wovuti (media galleries) pamoja na wanaofanya mauzo kwa mitandao (ecommerce stores).
Historia ya WordPress
Wordpress hutumiwa na zaidi ya watu milioni sitini katika wavuti zao. Wordpress ilianzishwa Mei 27, 2003 na Matt Mullenweg[1] and Mike Little,[2][3] na Mike Little kutoka kwenye programu nyingine ya b2/cafelog. Imetolewa kwa leseni ya GPLv2.[4] Ili kufanya kazi, ni lazima WordPress iwekwe kwa seva ya wavuti.[5] Kabla ya kubuniwa kwa WordPress, wenye wavuti iliwabidi wajue kutumia lugha za PHP na MySQL au HTML ili kuweza kupamba wavuti na blogu zao vile walivyokuwa wakitaka. WordPress huwa na usanifu wa kutumia plugins' ambavyo ni vipengele vinavyokusaidia kupamba wavuti yako na ifanye kazi unayotaka. Kando na plugin, pia huwa na template ili kwamba kazi yako tu ni kuweka makala yao kwa zile templates.
b2/cafelog, ambayo zaidi huitwa b2 or cafelog ndio programu iliyoitangulia WordPress.[6]Inakadiriwa kuwa 2/cafelog ilitumiwa na blogu 2,000 kunako Mei 2003.[7] Iliandikwa kwa lugha ya PHP na MySQL na Michel Valdrighi.
Mwaka 2004, masharti ya leseni ya mshidani wake, Movable Type yalibadilishwa na kampuni ya Six Apart, hivyo kusababisha watumiaji wake wengi kuhamia WordPress.[8][9]
Kufikia Oktoba 2009, Open Source CMS MarketShare Report ilitangaza kuwa WordPress ilikuwa na ubora kupita programu huria nyingine.
Hadi kufikia Februari 2017, WordPress ilikuwa ikitumiwa na 58.7% ya tovuti zote zilizokuwa zikijulikana zinatumia programu gani. Hii ni 27.5% tovuti milioni 10 kubwa duniani.[10]
Sifa za WordPress
Unapoweka WordPress kwa wavuti yako, utapatana na sifa hizi:
Theme
Theme hutengeneza mandhari ya wavuti yako. Kuna theme nyingi za bure ambazo watengenezaji wameziweka ili uweze kutumia bila kulipa chochote. Vile vile, kuna themes ambazo hulipiwa na hutoweza kuzitumia bila kuzinunua. Kwa kawaida themes za bure huwa hazina mvuto mkubwa kwa wale wanaotembelea wavuti yako au pengine hazina matumizi mengi na pia usalama wake sio bora.
Unapotafuta theme ya wavuti yako, italingana na wavuti ni ya aina gani. Themes za sanaa zinazoonyesha picha au michoro huwa ni tofauti na zile za biashara ama zile za kusoma makala.
Plugins
Plugins ni vipengele vinavyosaidia wavuti kufanya kazi unayotaka. Vile vile plugins huwa za bure au za kununuliwa. Kuziweka pia ni rahisi japo kila plugin huwa na masharti yake ya jinsi utakavyoiweka. Hadi Februari 2019, WordPress.org ilikuwa na plugins 54,402.[11]
Tuzo na heshima
Mshindi wa InfoWorld's "Best of open source software awards: Collaboration", 2008.[12]
Mshindi wa Open Source CMS Awards's "Overall Best Open Source CMS", 2009.[13]
Mshindi wa digitalsynergy's "Hall of Fame CMS category in the 2010 Open Source", 2010.[14]
Mshindi wa InfoWorld's "Bossie award for Best Open Source Software", 2011.[15]
↑Manjoo, Farhad (Agosti 9, 2004). "Blogging grows up". Salon. Iliwekwa mnamo Machi 29, 2012.{{cite web}}: CS1 maint: date auto-translated (link)
↑Pilgrim, Mark (Mei 14, 2004). "Freedom 0". Mark Pilgrim. Ilihifadhiwa kwenye nyaraka kutoka chanzo mnamo Aprili 10, 2006. Iliwekwa mnamo Machi 29, 2012. {{cite web}}: Unknown parameter |deadurl= ignored (|url-status= suggested) (help)
Makala hii kuhusu mambo ya teknolojia bado ni mbegu. Je, unajua kitu kuhusu mada hiyo kama historia yake au mahusiano yake na mada nyingine? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.
