Lynn Conway

Ky artikull duhet të përditësohet. Ju lutem përditësoni këtë artikulli për të reflektuar ngjarjet e fundit ose informacionet e reja në dispozicion. (dhjetor 2024)

Lynn Ann Conway (Lin Anë Konuei) (2 janar 1938 – 9 qershor 2024)^[1][2] ishte një shkencëtare kompjuterike amerikane dhe aktiviste transgjinore.^[3]

Ajo njihet për arritje në dizajnin VLSI, duke u bërë e para në ketë industri. Ajo ka punuar në IBM gjatë viteve '60 dhe mori meritat e shpikjes së trajtimit të përgjithësuar mbi udhëzimet dinamike, një udhëzues i përdorur nga shumica e procesorëve të kompjuterëve modernë, për të përmirësuar performancën e tyre.^{[4][5][6][7][8][9][10]}

Lin ndërroi jetë në vitin 2024 nga një sëmundje në zemër.

Lin lindi dhe u rrit në Westchester County (New York). Ajo ishte fëmija më i madh i Rufus Savage (1907-1966) dhe Christine Burney (e lindur Savage) (1904-1977). Vëllai i saj më i vogël, Blair Savage (1941-2022), ishte profesor. Që e vogël ajo konsiderohej si person i turpshëm. Ajo e kuptoi që në moshë të njomë se i përkiste një identiteti gjinor të përkundërt me seksin që i ishte caktuar në fëmijëri.

Lin zhvilloi një pasion për astronominë dhe ishte e shkëlqyer në matematikë dhe shkencë gjatë gjimnazit. Ajo u regjistrua në Universitetin e Teknologjisë në Masaçusets në 1955 duke marrë nota të larta, por iu desh të ndërpriste studimet pas një tentative të dështuar të tranzicionit gjinor në 1957-58. Pasi punoi për dhjetëra vite si teknike elektronike, Conway iu kthye edukimit në Universitetin e Kolumbisë në Fakultetin e Inxhinierisë dhe Shkencave të Aplikuara midis viteve 1962 dhe 1963.

Pasi mësoi për kërkimin inovator të Harry Benjamin në trajtimin e transseksualëve^[11] dhe kirurgjinë e ndryshimit të seksit, Conway i kërkoi ndihmë dhe u bë pacientja e Benjaminit. Pas vitesh depresion për shkak të fizikut të saj, Conway kontaktoi Benjaminin me të cilin ra dakort për të nisur konsultat dhe trajtimin hormonal.

Nën përkujdesjen e Benjaminit, Conway nisi tranzicionin gjinor.^[12] Njëkohësisht Conway duhet të jetonte në shoqëri në rolin e një djali. Ajo ishte e martuar me një grua dhe kishte dy fëmijë me të. Edhe pse kishte shpresuar se do të lejohej të realizonte tranzicionin gjinor në punë, komapnia ku ajo punonte e pushoi Conway në 1968 pasi iu tregoi atyre për tranzicionin gjinor^[13] që kishte realizuar.Sipas legjislacionit të atëhershëm, pas tranzicionit gjinor, asaj i hiqej e drejta për përkujdesjen e fëmijëve.