Peter Capaldi

Peter Capaldi
Born	Peter Dougan Capaldi (1958-04-14) 14 Aprile 1958 (age 67) Springburn, Glesga, Scotland
Citizenship	Unitit Kinrick Italy
Alma mater	Glesga Schuil o Airt
Thrift	Actor director scriever [1]
Years active	1974–present
Kent for	Twelft Doctor in Doctor Who
Hauf-marrae(s)	Elaine Collins (m. 1991)
Bairns	1
Kin	Lewis Capaldi (seicont cousin ance remuived)

Peter Dougan Capaldi (born 14 Aprile 1958) is an Academy Awaird– an BAFTA Awaird–winnin Scots actor an film director o Italian strynd. He is kent fur bein the 12t actor tae pley the Doctor in the science fiction series Doctor Who fae 2013 til 2017, whan he wis succeedit in the role bi Jodie Whittaker, an fur playin Malcolm Tucker in The Thick of it, a programme that is on spin doctors.

Capaldi wis born in Glesga, Scotland, tae Nancy (née Soutar) an Gerald John Capaldi.^{[citation needit]} His paternal grandfaither wis Italian, whauras the lave o his ancestry is Scots an Erse.^[2] His parents haed an ice cream van in Springburn, whaur thay war neebours wi an kent the faimlie Armando Iannucci, the creator o The Thick of It, awtho the twa didnae ken ilka-ither as bairns.^[3][4] He wis taucht at St Teresa's Primar Schuil in Possilpark,^[5] St Matthew's Primar Schuil in Bishopbriggs,^[5] an St Ninian's Heich Schuil, Kirkintilloch,^[6] afore gangin tae the Glesga Schuil o Airt.

Capaldi shawed aff an early talent fur performance bi pittin on a puppet shaw in the primar schuil. At the seicontar schuil, he wis a memmer o the Antonine Players, thit performt at the Fort Theatre in Bishopbriggs. As an airt student, he wis the heid sangster an guitarist in a punk rock baund cried The Dreamboys, whaur the drummer wis Craig Ferguson, thit went on tae be a comedian.^[7][8] The pair performt a cabaret act thegither as Bing & Dean Hitler^[9] an pit on an alternative pantomime o Sleeping Beauty.^[10][11] Capaldi went on tae perform musical comedy cabaret guisin as "bank clerk about town" (Bank clerk aboot toun) Gavin Meekie^[12][13][14] an as ae hauf o husband-an-wifie TV evangelists Tom & Sammy Jo.^[15][16]

Capaldi haes bin in ower 40 films an telly programmes fae his kythin as Danny Oldsen in Local Hero (1983). He pleyed Beatles memmer George Harrison in John and Yoko: A Love Story (1985), haed roles in The Lair of the White Worm (1988) an Dangerous Liaisons (1988), he wis featurt as Ozzy in a 1985 episode o Minder an aa. In 1992 he auditionit fur, the role fur Benjamin Sisko in Star Trek: Deep Space Nine, but he niver got it.^[17]

Capaldi's first star role on the telly wis Luke Wakefield, an unco man thit imagines he has seen a crime, in the BBC drama series Mr Wakefield's Crusade. He pleyed fictional Songs of Praise producer Tristan Campbell in twa episodes frae the sitcom The Vicar of Dibley, an a transgender wummin in ITV's Prime Suspect. In Neil Gaiman's gothic fantasy Neverwhere, he pleyed the angel Islington.

Capaldi is an audiobeuk vyce actor an aw, an haes mony titles includin twa-three o the warks frae Iain Banks. He starred as Rory in the 1996 telly version o Banks's The Crow Road.

In the 1999 Channel 4 series Psychos, he pleyed a mathematician wi bipolar disorder.^[18] Capaldi kythed as a varsity professor in the sitcom Peep Show, an pleyed a prime suspect in the 2007 series o Waking the Dead. He vyced Chief Petty Officer Grieves in the BBC Radio Ministry of Defence comedy Our Brave Boys. In 2007, Capaldi kythed as Mark Jenkins (Sid's da) in the E4 teen comedy drama series Skins. He cam back fur a seicont series in 2008, awtho his chairacter died in the third episode. He kythed in the Midsomer Murders episode "Death in Chorus" an ITV1's Fallen Angel. He kythed in the 2007 Breetish comedy film Magicians an aw.

He kythed as King Charles I in the Channel 4 series The Devil's Whore, aired in 2008. Capaldi gied his vyce fur the animatit film Haunted Hogmanay in 2006. He pleyed Balthazar, ane o the Biblical Magi, in the 2010 BBC version o The Nativity.^[19]

In November 2011, he stairtit playin Professor Marcus in The Ladykillers at the Liverpool Playhouse, than muived tae the Gielgud Theatre in Lunnon. The first run endit at the Gielgud on 14 Aprile 2012. He wis in The Field of Blood as Dr Pete, thit he got nominatit fur a BAFTA Scotland awaird in the TV actor/actress category; he wis beat aff o his co-star Jayd Johnson. He haed a wee role as a therapist in Big Fat Gypsy Gangster, wrocht bi an starrin his Getting On co-star Ricky Grover. In 2012, Capaldi pleyed Randall Brown, the new Head of News, on the BBC2 drama The Hour. He kythed as a WHO doctor in World War Z (2013),^[20] an haed a role in Maleficent (2014), but his pairt in the seicont film wis cut durin post-production.^[21]

He starred in Inside the Mind of Leonardo, a documentary aboot Leonardo da Vinci. In 2013 he pleyed Alan Rusbridger, the editor o The Guardian in The Fifth Estate. In 2014 he starred in a new version o The Three Musketeers as Cardinal Richelieu on BBC One.^[22]

He appeared as Paddington Bear's neebour Mr Curry in the family comedy film Paddington an its sequel Paddington 2. In 2018, he vyced Rabbit in the Disney film Christopher Robin.

Capaldi wis castit in 2013 as the Doctor in the BBC science-fiction series Doctor Who. Capaldi first cam on as the Doctor in a cameo in the 50t anniversary special, "The Day of the Doctor", afore bein on the 2013 Christmas special, "The Time of the Doctor". A fan o the series fur aw his life, Capaldi pleyed Lobus Caecilius in the 2008 episode "The Fires of Pompeii" afore, wi the Tenth Doctor an his companion Donna Noble, as weel as playin civil servant John Frobisher in the 2009 spin-aff Torchwood: Children of Earth.^[23][24]

Afore takin on the role, Capaldi statit thit he haed tae sairiously think aboot the heicher level o visibility thit wad come wi the pairt.^[25] He said in an interview wi Entertainment Weekly thit he haed bin inveetit tae audition fur the role as the Eighth Doctor in 1995 fur the production of the 1996 TV film, sayin: "A didnae gae. A luved the programme that much, an a didnae hink thit a wad git it, an a didnae want tae juist be a pairt o a big cull o actors."^[26]

In 2014, Capaldi vyced the Doctor on the CBBC wabsite's gemm The Doctor and the Dalek an in 2015 vyced him in Lego Dimensions. In 2016, Capaldi went back tae his role as the Twelfth Doctor in the Doctor Who spin-aff programme Class, wrocht bi young-adult author Patrick Ness.

On 30 Januar 2017, in an interview wi BBC Radio 2, Capaldi confirmit thit the tenth series wad be his last.^[27] His final episode wis the 2017 Christmas special, "Twice Upon a Time", whaur he wis replacit bi Jodie Whittaker.

In 1992, Capaldi wrocht an starred in the road film Soft Top, Hard Shoulder, thit won the audience awaird at the London Film Festival. In 1995, he won an Oscar fur Best Live Action Short Film fur his film Franz Kafka's It's a Wonderful Life, thit tied wi fellae nominee Trevor, leadin tae baith films bein annooncit as jynt winners, an won the BAFTA Award for Best Short Film a year afore that. He wrocht an directit Strictly Sinatra in 2001 an aw, an in 2009 he wrocht an presentit A Portrait of Scotland, a documentar gaein intae detail 500 year's history o Scottish portrait pentin.^[28]

Capaldi directit twa-three episode o the 2009 BBC Four sitcom Getting On.

In 2012, Capaldi wrocht (wi Tony Roche), directit an performt in The Cricklewood Greats, an affectionate spoof documentar aboot a fictitious film studio, thit tracks real developments an trends oothrou the history o Breetish cinema, includin silent films, horror an bawdy comedy, an a disastrous Terry Gilliam epic (Gilliam appears as hissel).

In 2013, Capaldi wrocht an directit Born to be King.^[29][30]

Capaldi marriet tae Elaine Collins in Strathblane near his hame ceety o Glesgae in 1991. Collins is an actress an scriever; thay met in 1983 in a tourin production fur the Paines Plough Theatre Company.^[31] Thegether, thay'v got a dauchter, Cecily (b. August 1993). Thay bide in Muswell Hill, Lunnon.^[32]

Capaldi grew up Catholic but becam an atheist.^[33]

On 12 September 2016, Capaldi, wi Cate Blanchett, Chiwetel Ejiofor, Jesse Eisenberg, Douglas Booth, Neil Gaiman, Keira Knightley, Juliet Stevenson, Kit Harington an Stanley Tucci, wis featurt in a video frae the United Nations' refugee agency UNHCR tae help raise awareness aboot the global refugee crisis. "Whit Thay Teuk Wi Thaim" haes the actors readin a poem, wrocht bi Jenifer Toksvig an takkin inspiratrion frae primary accoonts o refugees, an is pairt o UNHCR's #WithRefugees campaign, thit includes a petition tae governments tae rax oot asylum tae gie mair shelter an aw, includin job opportunities, an eddication.^[34][35]

Capaldi's seicont cousin ance remuived is sangster Lewis Capaldi.^[36] The twa wirked thegether in the video fur "Someone You Loved".

Capaldi is a patron o Worldwide Cancer Research, an the Scots children's charity, the Aberlour Child Care Trust.^[37]