Standarduluggìa

Sta pàggina è òrfana, zzuè nun àvi lijami a tràsiri. Pi favuri, agghiunci na lijami a sta pàggina e scancella st'abbisu. Pâ lista cumpleta dî pàggini òrfani, vidi a pàggina dâ catigurìa.

Na lingua standard è na lingua addupirata di nu gruppu di pirsuni ntî li sò discussioni pùbbrichi. Li varitati o "dialetti" addivèninu standard tràmiti nu prucessu di standardizzazzioni, unni veni urganizzata la sò discrizzioni linguìstica tràmiti grammàtichi e dizziunari unni vèninu arriggistrati li sò palori. Di sòlitu, li varitati ca vèninu standardizzati sunnu li "dialetti" lucali parrati ntî li centri di lu cummerciu e di lu cuvernu, unni hà crisciutu la nicissitati ca dda varitati hà èssiri addupirata.

Na lingua standard scrivuta è spissu annincata ccu la palora tidesca Schriftsprache.

La criazzioni di na lingua standard, addiveni di na coesioni nazziunali (culturali, pulìtica, suciali) ca tràmiti nu accordu addumana na lingua standard. Li lingui standard sunnu stabbiluti supra:

• Nu dizziunariu arricanusciutu (ccu urtugrafìa e vucabbulariu standard)
• Na grammàtica arricanusciuta
• Na prununcia standard
• Na istituzzioni linguìstica ca difinisci li normi, p'asempiu l' Académie française, l'Accademia della Crusca, ecc.
• Status di liggi custituzziunali
• Addupiramentu pùbbricu (tribbunali, parramentu, scoli)
• Na littiratura