HD 129116

HD 129116 (b Centauri) eni na stidda ca si trova nnâ custiddazzioni dû Cintauru. Grazzi â sô magnitùdini apparenti uguali a 4,00,^[1] poni essìri talìata a occhiu nuru 'n lucalitati sìenza troppu nquinamentu luminusu. Secunnu i misurazzioni dû satèlliti artificiali Hipparcos ncapu a parallassi dâ stidda, sapemu ca idda si trova a circa 339 a.l. (104 pc) di distanza dâ Terra. A chista distanza, a sô grannizza eni cchìu vascia di 0,0043 a causa di l'estinzioni causata da gas e pruvulazzi ntô mezzu ntirstiddari.

b Centauri eni na stidda di classi B nnâ siquenza principali, cu nu valuri spittrali di B3V. Mudelli evulutivi distinti stimanu ca avi na massa 6,3 voti supiriuri a chidda sulari e nu raggiu 2,93 voti chiddu dâ nostra stidda.^[2] A fotusfera di chista stidda irradia enirgìa a na timpiratura efficaci di 18 500 K, cu na luminusitati 650 voti supiriuri a chidda dâ nostra stidda,^[3] ca duna â stidda u carattiristicu culuri jancu/azzolu tipicu dî stiddi di Classi B.^[4]

Chista stidda eni nu membru dû suttaruppu dî l'associazzioni Scorpius-Centaurus, l'associazzioni OB cchìu vicina ô Suli. A sô vilucitati peculiari rispettu a li stiddi circustanti eni di 13,3 ± 1,6 km/s.^[5] Na ndaggìni ntirferumetrica dû 2013 avi rilivatu ca b Centauri eni na stidda binaria, li dui stiddi hannu nu rapportu di massa di 0,65 e sunnu siparati da 9,22 millisecunnu d'arcu, currìspunnenti a 1 UA.^[6]

1. ↑ (EN)«SIMBAD query result - b Centauri»
2. ↑ (EN)Fitzpatrick, E. L.; Massa, D. «Determining the Physical Properties of the B Stars. II. Calibration of Synthetic Photometry»
3. ↑ (EN) McDonald, I.; Zijlstra, A. A.; Boyer, M. L. «Fundamental parameters and infrared excesses of Hipparcos stars»
4. ↑ (EN)The Colour of Stars
5. ↑ (EN)Bobylev, V. V.; Bajkova, A. T. «Galactic kinematics from a sample of young massive stars»
6. ↑ (EN)Rizzuto, A. C; et al. «Long-baseline interferometric multiplicity survey of the Sco-Cen OB association»

• Custiddazzioni dû Cintauru
• Stidda binaria

• Wikisky mmàggini di b Centauri