Flash (Queen)

Flash è na canzuna dî Queen, scritta di Brian May e pubbricata comu primu sìngulu nnô discu Flash Gordon dû 1980, comu culonna sunora dû film Flash Gordon. Fu pubbricata 'n virsioni sìngulu, cu la b-side “Football Fight”, lu 24 di nuvèmmiru 1980.

Cci nn'asìstinu dui virsioni dâ canzuna; la virsioni album (Flah's Theme) è 'n rialtati lu principiu dû film, cu tutti li dialoghi dâ prima scena. La virsioni sìngula offri lu dialogu tagghiatu dî diversi parti dû film. Sta virsioni fu misa ntô Greatest Hits I dû 1981. La canzuna è cantata di Freddie Mercury e Brian May, cu Roger Taylor c'agghiunci l'àutri armunìi.

Lu vidiu dâ canzuna fu giratu nna li Anvil Studios, Londra, ntô nuvèmmiru 1980 e direttu di Don Normann, lu vidiu prisenta lu gruppu mentri sona la canzuna cu na schermata c'ammustra pizzuddicchi dû film. Na virsioni diversa ca fu trasmisa duranti lu cuncertu pi Kampuchea ntô corsu dû 1981 cu spizzoni dû film cci fu nficcata ntô 2011 'n iTunes.