Wikimedia Commons
Wikimedia Commons (komunmente yamá WikiCommons) ta un proyekto di Fundashon Wikimedia, kreá dia 7 di sèptèmber 2005 ku e meta di sirbi komo archivo pa imagen i otro tipo di multimedia, prosedente di otro proyektonan di e fundashon. Tur fail den WikiCommons mester ta den dominio públiko òf poni disponibel bou di un lisensia liber, manera e GNU Free Documentation License òf Creative Commons. Aktualmente, e repositorio ta konta ku mas ku 100 mion fail multimedia ku ta disponibel pa uso liber.[1] WikiCommons ta basá riba software wiki ku ta konfigurá di tal forma ku su failnan ta disponibel di un manera transparente riba tur otro wiki di e proyekto di Wikimedia. Esaki ta fasilitá un maneho sentralisá i integrashon di e filenan riba tur proyekto di Wikimedia, inkluso Wikipedia, Wikibooks, Wikivoyage i otro. E ta posibel pa editá e paginanan den WikiCommons sin registrashon previo, sinembargo registrashon si ta nesesario pa "upload", esta pa subi imagen.
Imagen di AñaDesde kuminsamentu di 2007, WikiCommons ta tene un kompetensia anual pa e mihó imagen subi e aña anterior, e “imagen di aña.” Na 2024, a introdusí riba e pagina prinsipal di Wikipedia na Papiamentu un rubrika di "imagen di dia".
 Mira tambe e kategoria Wikimedia Commons di Wikimedia Commons pa mas dato mediatiko tokante di e tema aki.
|
|||||||||||||||||||||||||||||||||||||||||||
.png)
