SUBT E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.
SUBT, abreviashon di Sport Unie Brion Trappers, ta un klup di futbòl di Willemstad, Kòrsou. E klup ta hunga den Liga Kòrsou i tabata pa hopi aña un di e klupnan mas destaká di e isla. E ekipo di SUBT, tambe konosí komo "barikahel", a titulá kampeon di Kòrsou i ganadó di Kopa antiano na varios okashon. HistoriaDia 17 di sèptèmber 1925 un grupo di hoben na Kòrsou, dirigi pa Antoine Maduro, Ricardo Goeloe i Emilio Jansen, ta lanta CSC Trappers.[1] E promé presidente tabata Ricardo Goeloe. Dia 15 di mei 1936 CVV Bismarck i CSC Trappers ta uni bou di e nòmber Sport Unie Bismarck-Trappers (SUBT) i na 1939 e klup di futbòl Feyenoord tambe ta djòin.[2] Na 1942, durante Guera Mundial II, ta kambia e nòmber pa Sport Unie Brion-Trappers komo ku e referensia na Bismarck tabata indeseabel. Na 1938 e ekipo ta titulá pa promé bes kampeon di e torneo di Federashon Futbòl Kòrsou. E tabata kampeon di Kòrsou na 20 okashon i ganadó di e Kopa antiano na seis okashon.[2] StadionSUBT ta atkerí su propio vèlt na 1948, konosí komo vèlt di SUBT of stadion di Kintjan. Organisando varios rifa den kurso di tempu, e klup por a genera entrada pa entre otro konstruí i mantene un stadion. Na 1985 e stadion a wòrdu dediká na Antoine Maduro, kende tabata e hungadó mas remarkabel di SUBT fuera di ser ko-fundadó i un di su promé presidentenan.[3] Stadion dr. Antoine Maduro tin aktualmente un kapasidat pa 7000 persona i ta situá na Willemstad, den bario di Vredenberg serka di Kintjan.[1] Lista di Honor
Kopa Juliana: 6
Kopa antiano: 6
Sekshon Pagá: 20
Torneo internashonal
(Eks)-hungadó konosíMira tambe
|
||||||||||||||||||||||||||||||||||||||||
