ରଘୁବୀର ଦାସ
ଶିକ୍ଷା ଓ ପେଶାଜଷ୍ଟିସ୍ ଦାସ ଓଡ଼ିଶାର ବରଗଡ଼ରେ ୧୪ ଫେବୃୟାରୀ ୧୯୫୪ ଦିନ ଜନ୍ମଗ୍ରହଣ କରିଥିଲେ । ପିତା ଥିଲେ ହାରାଧନ ଦାଶ ଏବଂ ମାତା ସୁଶୀଳା ଦାଶ । ୧୯୬୯ ମସିହାରେ ବରଗଡ଼ ଜର୍ଜ ହାଇସ୍କୁଲ୍ ରୁ ସେ ମାଟ୍ରିକ୍ ପାସ୍ କରିଥିଲେ । ପରେ ୧୯୭୪ ମସିହାରେ ସମ୍ବଲପୁରର ଜିଏମ୍ ସାନ୍ଧ୍ୟ କଲେଜରୁ ସ୍ନାତକ ଡିଗ୍ରୀ ଲାଭ କରିଥିଲେ । ୧୯୭୭ ମସିହାରେ ସମ୍ବଲପୁରର ଲାଲା ଲଜପତ ରାୟ ଆଇନ କଲେଜ୍ ରୁ ଆଇନରେ ସ୍ନାତକ ଡିଗ୍ରୀ ହାସଲ କରିଥିଲେ । ୧ ଅଗଷ୍ଟ ୧୯୮୦ ରେ ଓଡ଼ିଶା ନ୍ୟାୟିକ ସେବାରେ ଏକ ମୁନ୍ସିଫ୍ ଭାବେ ଯୋଗ ଦେଇଥିଲେ । ୨୦୦୧ ମସିହାରେ ଜିଲ୍ଲା ନ୍ୟାୟାଧୀଶ ଭାବେ ପଦୋନ୍ନତି ପାଇ ପୁରୀର ଅଧିକ ଅତିରିକ୍ତ ଜିଲ୍ଲା ଏବଂ ସତ୍ର ନ୍ୟାୟାଧୀଶ ଭାବେ ଯୋଗ ଦେଇଥିଲେ । ପରବର୍ତ୍ତୀ ସମୟରେ ସେ ପାରଳାଖେମୁଣ୍ଡିର ଅତିରିକ୍ତ ଜିଲ୍ଲା ଏବଂ ସତ୍ର ନ୍ୟାୟାଧୀଶ; ୯ ଫେବୃୟାରୀ ୨୦୦୭ରୁ ୧୪ ମେ ୨୦୦୮ ଅବଧିରେ କନ୍ଧମାଳର ଜିଲ୍ଲା ଏବଂ ସତ୍ର ନ୍ୟାୟାଧୀଶ[୨]; ୧୮ ଡିସେମ୍ବର ୨୦୦୯ରୁ to ୨୧ ଜୁନ ୨୦୧୦ ଅବଧିରେ ଗଞ୍ଜାମ-ଗଜପତି ଜିଲ୍ଲା ଏବଂ ସତ୍ର ନ୍ୟାୟାଧୀଶ[୩], କଟକର ବିକ୍ରୟ କର ଅପିଲ୍ ଅଦାଲତର ନ୍ୟାୟିକ ସଦସ୍ୟ;କଟକର ସ୍ଵତନ୍ତ୍ର ଅଦାଲତର ସ୍ଵତନ୍ତ୍ର ନ୍ୟାୟାଧୀଶ ଏବଂ ଭୁବନେଶ୍ୱର ଉଦ୍ୟୋଗ ଆଦାଲତର ଅଧ୍ୟକ୍ଷ ଭାବେ କାର୍ଯ୍ୟଭାର ସମ୍ଭାଳିଥିଲେ । ୪ ଜାନୁଆରୀ ୨୦୧୩ ରୁ ୧୩ ଫେବୃୟାରୀ ୨୦୧୬ ମଧ୍ୟରେ ସେ ଓଡ଼ିଶା ଉଚ୍ଚ ନ୍ୟାୟାଳୟର ବିଚାରପତି ଭାବେ କାର୍ଯ୍ୟ କରିଥିଲେ ।[୧] ଅବସର ପରେ ୧୬.୦୫.୨୦୧୯- ୦୩.୦୯.୨୦୧୯ ଅବଧିରେ ସେ ଓଡ଼ିଶା ମାନବ ଅଧିକାର ଆୟୋଗର କାର୍ଯ୍ୟକାରୀ ଅଧ୍ୟକ୍ଷ ଭାବେ ଦାୟୀତ୍ଵ ସମ୍ଭଳିଥିଲେ ।[୪] ଶ୍ରୀମନ୍ଦିର ଚାବି ହଜିବା ପ୍ରସଙ୍ଗରେ ଓଡ଼ିଶା ସରକାରଙ୍କ ଦ୍ଵାରା ସେ ଜଣିକିଆ କମିଶନ ଭାବେ ନିଯୁକ୍ତ ହୋଇଥିଲେ ।[୫][୬] ଆଧାର
|
