Taulhac [tuˈja][1] (en francés Taulhac-près-le-Puy) es una anciana comuna occitana de Velai, situada dins lo departament del Naut Léger e la region d'Auvèrnhe Ròse Aups, ancianament d'Auvèrnhe. Dempueis 1965 es integrada a la comuna del Puèi de Velai.
Taulhac es atestat en 993, Tauliaco. Segon Dauzat e Rostaing, lo nom vendriá d'un nom latin d'òme, Taulus, ambelh sufixe -iacum [2] Segon Joan Arçac, lo site de Taulhac permet benlèu d'explicar lo nom. La plana basaltica pòt faire pensar a una taula, en latin tabula. Taulhac pòt èsser *Tabulius, derivat de tabula, ambelh sufixe -acum [3]. Segon Xavier Delamarre, Taulhac ven d'un nom gallic d'òme, Tāgulios (sobe un teonime Tāgo-), ambelh sufixe -ācon, l'ensemble fasent *Tāguliācon.[4]
