Que'us considèran com identics aus aturenses (un nom qui s'impausa a partir deu sègle IVau). Que s'estavan dens lo Tursan actuau, dens lo departament de las Lanas e qu'avèvan Atura (Aira) per vila màger.
Qu'estón somés per Cressus amassa dab los vasates e los elusates après que vençó los sotiates.
Los sons vesins qu'èran los tarbelles (tarbelli) au sud-oèst, los cocosates au nòrd-oèst, los vasates au nòrd, los elusates a l'èst, los bigerriones (bigerri, bigerres) au sud-èst e los beneharnensis au sud.
Novempopulània.
Non saben quina lenga o quinas lengas parlavan. Mès, se lo son nom es indigèna e s'es estat transcrivut com cau, èra probablament pas lo basco o pas sonque lo basco (lo protobasco); l'indici d'aquò qu'ei qu'aquera lenga non coneish las dentalas e donc lo t- a l'iniciala [3]. Aqueth rasonament que vau tanben peus tarbelles (pòble qui avè Dacs per capitala).
↑Juli Cesar, Comentaris sus la Guèrra de las Gàllias, traduccion de Commentarii de Bello Gallico, vol. 3, París, Didot, 1865, en francés : « Au brut d'aquera victòria la màger part de l'Aquitània que's rendó a Crassus, e enviè ostatges d'era-medisha. D'aqueths qu'estón les tarbelles, los bigerriones, los ptianii, los vocates, los tarusates, los elusates, los gates, los ausques, los garumnnes, los sibuzates e los cocosates. »
