Sydney Sweeney.jpg) Sydney Bernice Sweeney (Spokane, Estat de Washington, 12 de setembre de 1997) es una actritz americana. Es coneguda per sos ròtles d'Emaline Addario dins la sèria de Netflix Everything Sucks!, d'Eden Spencer din la sèria de Hulu The Handmaid's Tale e mai de Cassie Howard dins Euphoria, una sèria d'HBO. Aguèt un ròtle notable dins la comèdia dramatica de 2019 de Quentin Tarantino, Once Upon a Time in Hollywood, qu'i interpretèt Snake, un membre de la familha Manson. Interpretèt puèi de protagonistas principals coma dins lo drama de 2023 Reality e la comèdia romantica Anyone but You. Mai recentament, en 2024, foguèt Julia Cornwall/Spider-Woman, una de las femnas aranhas del film de supereròis Madame Web. Aquel meteis an produsiguèt lo film d'orror Immaculate, que ne foguèt tanben lo personatge central. En agost de 2025, la participacion de Sweeney a una campanha publicitària per la marca de jeans American Eagle generèt una polemica intensa per encausa de l'emplec de l'slogan "Sydney Sweeney has great jeans" que jogava amb lo fach que "jeans" se pronóncia parièr quee "genes" (los gèns). Divèrses corrents politics e movements socials interpretèron aquesta frasa coma la formulacion d'una superioritat de tipe arian (pels rossèls e uèlhs blaus), e alara de supremacisme blanc. Referéncias
Ligams extèrns |
