Scooter

Scooter (Escotèr) es un grop de tècno anglofòn alemand, originària d'Amborg (Alemanha). Scooter es l'un dels grops tècno los mai populars existissent, a vendut mai de 30 milions de disques capvath lo mond entièr. Lo grop se compausa de H.P. Baxxter (Hans Peter Geerdes), Sebastian Schilde e Michael Simon. H. P. Baxxter es un ancian sòci del grop synthpop alemand Celebrate the Nun (actiu entre 1987 e 1992).

Los títols mai coneguts de Scooter en Occitània son Hyper Hyper e Move Your Ass en 1995, e Bigroom Blitz en 2014.

Biografia

Fin 1993, d'ancians sòcis de Celebrate the Nun rejonhon Ferris Bueller (cosin de Baxxter) per formar un grop de remix del nom de The Loop. Scooter debuta coma projècte parallèle a The Loop en decembre de 1993. Lor primièr single, una represa de la cançon Vallée De Larmes de René & Gaston, foguèt una capitada en Alemanha en 1994, çò que los encoratja a contunhar Scooter. Sortisson alavetz au mes de decembre de 1994 un segond single, Hyper Hyper, que ven un gròs tube un pauc pertot en Euròpa (Alemanha, França, Àustria, Itàlia, Païses Basses, Norvègia...), e es certificat triple disc d'aur amb 750 000 exemplars venduts. Lo tresen single de Scooter, Move Your Ass, coneis una capitada comparabla en 1995 : Scooter es aital vengut un grop màger de la scèna tècno pòst-house.