Rutile

Lo rutile es un minerau de color generalament roge ò gris ambé de rebats roges, bruns, blaus, violets, negres ò jaunes. A una duretat de 6,0-6,5 e una densitat de 4,25. Es format d'oxid de titani (simbòl quimic : TiO₂) cristallizat segon un sistèma tetragonau de classa ditetragonala bipiramidala. Dins la natura, lei cristaus an una forma prismatica e pòdon agantar de longors fòrça importantas. Son esclat es adamantin (dins lei cristaus transparents) ò metallic.

Es un minerau segondari comuns dei ròcas magmaticas intrusivas e dei metamorficas, especialament lei pegmatitas. En causa de sa duretat importanta, lo rutile presenta tanben una resisténcia bòna a l'alteracion e pòu donc se trobar dins de depaus sedimentaris. Es associat ambé de mineraus coma lo qüars, la pirofillita, l'ematita, l'hornblenda, divèrsei feldspats ò l'apatita. Lo rutile es principalament utilizat coma minerau de titani.

• Titani.