Ronald Reagan
Ronald Reagan (Tampico, Illinois, 6 de febrièr de 1911 – Bel Air, Califòrnia, 5 de junh de 2004) foguèt un actor e politician republican american. Ocupèt la presidéncia dels Estats Units d'America de 1981 a 1989. Abans de venir president, èra estat lo 33en governador de l'estat de Califòrnia de 1967 a 1975. BiografiaRonald Reagan nasquèt a Tampico en 1911 mas cresquèt a Dixon en Illinois. Faguèt sos estudis a l'Eureka College, d'ont sortiguèt amb una licéncia en economia e en sociologia. Desbagajèt puèi en Iowa per trabalhar coma animator de ràdio, puèi en 1937 a Los Angeles, ont comencèt de far l'actor al cinèma e a la television. Knute Rockne, All American, Kings Row e Bedtime for Bonzo foguèron entre sos filmes pus notables. President de la Screen Actors Guild e portaparaula per General Electric, dintrèt puèi en politica.
|
|||||||||||||||||||||||||
