Richard MilletRichard Millet (nascut lo 29 de mai de 1953 a Viam en Lemosin) es un autor e polemista d'ultradrecha. Primièra vidaNasquèt en Lemosin puèi passèt una part de son enfança dins lo quartièr de Badaro a Beirot (Liban). Òbra e carrièraEn 1994, se ganhèt lo Prèmi d'ensag de l'Acadèmia francesa per son libre Le Sentiment de la langue ("Lo Sentiment del Lengatge"). Fòrça dels romans de Millet se debanan dins lo vilatge de Siom (la contrapartida literària de Viam), coma La Gloire des Pythre ("La Glòria de las Pitras"), L'Amour des trois sœurs Piale ("L'Amor de las tres sòrres Piale"), Lauve lo pur ("Lauve the Pure"), e Ma vie parmi les ombres ("La mia Vida Entre las Ombras"). Mai generalament, lo replanat de Miuvachas, son païsatge, clima, localizacion geografica e l'evolucion de la vida dels sieus abitants pendent lo sègle, es un element essencial dins son òbra, coma provença per Giono, lo comtat de Yoknapatawpha per Faulkner o Wessex per Thomas Hardy. Millet mescla d'elements religioses amb un lengatge grossièr, evocant la tradicion catolica francesa d'un biais que reconeis la Revolucion sexuala modèrna. Lo desir, lo patiment e lo mal son de tèmas que s'espandisson dins tota son òbra. Laus d'Anders BreivikEn julhet de 2012, Millet publiquèt Éloge littéraire d'Anders Breivik, una condamnacion de las accions d'Andèrs Breivik e una exploracion critica de son ideologia, coma partida d'una colleccion d'ensags. Dins Elògi demanda perque lo cas Breivik se passèt uèi, en Norvègia. Descriu las victimas de Breivik coma "mesclats, globalizats, non cultivats, social-democratas, pichons borgés."[1] Dins lo meteis assag, escriu tanben que lo chaple norvegian foguèt lo resultat d'una identitat europèa aflaquida, de la decadéncia culturala, de l'immigracion de massa e del multiculturalisme, e descriu los murtres de massa de Breivik "perfeccion formala ... dins lor dimension literària".[1] Se referissent a la controvèrsia que seguèt, Millet declarèt "Soi un dels autors franceses mai odiats. Es una posicion interessanta que fa de ieu un èsser excepcional. "[1] Lo libre foguèt condemnat coma un "panflet fascista" per l'autora Annie Ernaux.[2] OmofobiaLo 30 d'agost de 2024 declara sus CNews que Lucie Castets es "sexualament incorrècta" per èsser lesbiana. Es pas contradich per Pascal Praud. Nòtas e referénciasNòtasReferéncias |
