Michel Berger Michel Berger, de son nom vertadièr Michel Jean Hamburger, es un pianista, autor, compositor, interprète, director artistic e adobaire musical francés, nascut lo 28 de novembre de 1947 a Neuilly sur Seine (França). A agut una influéncia fòrça importanta sus la cançon francesa dins las annadas 70, 80 e fins a la debuta de las annadas 90, pr'amor qu'a compausat e escrich per d'artistas tan variats coma Bourvil, Véronique Sanson (sa companha entre 1967 e 1973), Françoise Hardy, Johnny Hallyday, e sustot per son esposa France Gall. Es quitament estat sollicitat per lo cantaire anglés Elton John pel duò Donner pour donner ambe France Gall justament. A sustot compausat la musica de dos opèras-ròck francofòns plan coneguts, "Starmania" en 1978 e "la Legende de Jimmy" en 1990 (tèxtes del canadian Luc Plamondon). Lo disc de Starmania s'es vendut a mai de 3 milions d'exemplars dempuèi sa creacion e figura donc demest las 10 mai grandas capitadas francofònas de tostemps. Aital, lo fach d'aver agut un ròtle dins Starmania a ajudat a lançar la carrièra de joves cantaires de la scèna francofòna de las annadas 80 e 90. Demest los qu'an debutat dins Starmania e qu'an agut en seguida una polida carrièra, podèm citar Daniel Balavoine, Maurane, Jean Leloup o Renaud Hantson. Michel Berger a tanben compausat entre 1970 e 1987 la musica de cinc filmes. Lo paure Michel Berger es mòrt a l'edat de 44 ans solament d'una crisi cardiaca mentre qu'èra en vacanças en Provença lo 2 d'agost de 1992 a Ramatuela (Occitània). Discografia
Cançons mai conegudas
Referéncias |
