Laurent Wolf

Laurent Debuire, dich Laurent Wolf, nascut lo 16 de novembre de 1970 a Thiais (region parisenca), es un discjoquei e un compositor de musica electronica francés.

En 2008, son títol No Stress, cantat (en anglés) per Eric Carter, es estat numèro 1 en França.

Laurent Wolf comença a aver de resson coma discjoquei a la fin de las annadas 1990 ambe sos adobaments en discotèca, mas es sustot a partir de 2003-2004 que comença de se fa un nom dins lo mitan ambe dos títols electro, Saxo e Calinda.

Puèi, en 2006 son títol Another Brick, un adobament tècno de Brick de Fake, ven un tube.

En 2008, publica lo tròç No Stress ambe lo maurician Eric Carter al cant : aquel títol ven un tube internacional, lo single venent quitament numèro 1 de las vendas en França lo 2 d'abril de 2008.^[1]

En seguida, Laurent Wolf alinha una seria d'autres gròsses tubes fins en 2011, Wash My World, tanben en 2008 (ambe un còp mai Eric Carter al cant), Seventies fin 2008, Walk The Line en 2009, Survive en 2010, o encara Suzie a la tota fin de 2010 (ambe lo Catalan Mod Martin al cant).

• Saxo (2003, ambe Mary Austin)
• Calinda (2004, Ritmo-Dynamic By Laurent Wolf)
• Another Brick (2006, adobament de Brick de Fake)^[2]
• No Stress (2008, ambe Eric Carter)
• Wash My World (2008, ambe Eric Carter)
• Seventies (2009)
• Explosion (2009, ambe Eric Carter)
• Walk The Line (2009, adobament electro de la cançon de Johnny Cash)
• Survive (2010, ambe Andrew Roachford)
• Suzy (2010, ambe Mod Martin)

1. ↑ Laurent Wolf "No Stress" - Meilleure position : n° 1 du Top Singles France. Entré dans le Top Singles France le 31/03/2008 https://www.chartsinfrance.net/Laurent-Wolf/No-Stress-s6514.html
2. ↑ Laurent Wolf "Another Bick" - Meilleure position : n° 28 du Top Singles France. Entré dans le Top Singles France le 08/04/2006 https://www.chartsinfrance.net/Laurent-Wolf/Another-Brick-sc5919.html