Jagdpanzer VI Lo Jagdpanzer VI es un caçaire de carris alemand utilizat durant la Segonda Guèrra Mondiala. Desvolopat a partir dau quadre dau Tiger II, èra un veïcul protegit per un blindatge fòrça important e equipat d'un canon de 128 mm, eissit d'una transformacion dau canon antiaerian Flak 40, capable de destrurre a lònga portada e sensa dificultat totei lei carris de la Segonda Guèrra Mondiala. 88 unitats foguèron produchas entre febrier de 1944 e mai de 1945. Pasmens, principalament engatjats sus lo frònt de l'Oèst, lei Jagdpanzer VI i obtenguèron de resultats mitigats. D'un caire, leis Aliats èran incapables de leis atacar dirèctament mai d'un autre caire, poguèron leis eliminar gràcias a de manòbras d'enceuclament ò d'atacas aerianas. De mai, la mecanica dei Jagdpanzer VI èra pas fisabla en causa dei dificultats de l'industria alemanda durant lo periòde finau de la guèrra. Liames intèrnesBibliografiaNòtas e referéncias |
