Fulbert Cant

Jean-François Durban, dich Fulbert Cant, èra un cantaire occitan. Començèt sa carrièra de cantaire de caps 1978. A agut de resson ambe sa cançon umoristica Skèit-bòrd qu'es devenguda a la longa un estandard de la cançon festiva occitana. Aquesta cançon evòca l'americanisacion de la societat occidentala del punt de vist de qualqu'un (el, un Occitan) del vielh continent. Sul segon album paregut en 1982, canta mai que mai en francés.

Fulbert Cant a tanben collaborat ambe lo cantaire provençal Gui Bonnet : es el per exemple qu'es l'autor del tèxte de la cançon Vivre que Gui Bonnet a cantat a l'Eurovision per representar França en 1983.

Al debut de las annadas 2000, es partit en retirada a Bali, en Indonesia.

Fulbert Cant defuntèt a Bali lo 24 de julhet de 2025.