Frederic Donadieu

Maria Andrieu Frederic Donadieu (en francés: Frédéric Donnadieu; Besièrs, 1843 - Besièrs, 22 de julh de 1899) foguèt un notari, istorian, poèta, numismata e erudit occitan del país de Besièrs. Foguèt president de la Societat Arqueologica de Besièrs e divulguèt un nombre important de poesias d'autors besierencs.

Frederic Donadieu nasquèt a Besièrs en 1843 dins una familha de notables de la ciutat, son paire Loís Donadieu èra estat conse de la vila. Sa vida foguèt marcada per un engatjament fòrt per la divulgacion e la defensa de l'occitan. A l'encòp faguèt un trabalh d'erudit remarcable e participèt activament a la Societat Arqueologica de Besièrs que ne venguèt president fins a sa mòrt. Recebèt lo prèmi del ministèri de l'Instruccion publica en 1887 per son trabalh suls precursors dels felibres. Foguèt president de la Mantenença lengadociana del Felibritge a la mòrt de l'escrivan de Sant Ponç Melquiòr Bartés. Revirèt qualques fragments de las Leis d'Amor que publiquèt en 1891.

• Au quartier latin (1875)
• Le félibrige et l'idée latine à Marseille (1883)
• William-Charles Bonaparte-Wyse (1884)
• Santa Maria del Solelh: legenda dedicada a Dòn Jacint Verdaguer (1885)
• Rapport sur le concours de poésie néo-romane présenté à la Société archéologique, scientifique et littéraire de Béziers et lu en séance publique le 3 juin 1886 (1886)
• Las nòças d'aur de l'Acadèmia besieirenca: brinde portat al banquet del 14 de mai de 1885 (1886)
• Fabre d'Olivet: discors tengut davant la cort d'amor de Vercant, lo V de julhet MDCCCLXXXV (1887)
• Carmen Sylva e Jacint Verdaguer: discors tengut davant la cort d'amor del Mas de Còta lo V de julhet MDCCCLXXXVI (1887)
• La naissença del rei en Jacme Primièr: brinde portat lo 1èr de mai MDCCCLXXXVII (1888)
• Les précurseurs des Félibres, 1800-1855 (1888)

• Au quartier latin a Gallica.fr