Ficus religiosa
Pipal
Nom binominal
Ficus religiosaL., 1753
Classificacion filogenetica
Ficus religiosa, la figuièra de las pagòdas, o pipal (latin : Ficus religiosa | Sanscrit : pippala[1]), es un arbre del genre Ficus, de la familha de las Moracèas. Dins los tèxtes vedics, es nomenat ashvattha.
Es un arbre sagrat dins l'indoïsme e lo bodisme[2].
Lo pipal es un grand arbre semisempervirent avent una nautor maximala d'unes 30 mètres, amb un tronc al diamètre avent fins a 3 mètres. Las fuèlhas an una forma de còr, amb un tèrme long caracteristic. Mesuran de 10 a 17 cm de long e 8 a 12 cm de larg amb un petiòl de 6 a 10 cm. Lo fruch es una figa pichona de 1 a 1,5 cm de diamètre, venent violeta al madur.
Lo pipal es una figuièra estranglaira.
Lo nom de pipal ven del fach que la fuèlha punchuda pareis a aquesta del pibol.
Es naturalament present en Índia, al Bangladèsh, al Nepal, al Paquistan, al Sri Lanka, dins lo sud-oèst de la China e en Indochina.
Lo ficus religiosa mai vielh del mond poiriá èsser un arbre que foguèt nomenat d'Índia del nòrd cap a Ceilan en 288 AbC. e que en 1852 encara viviá, e qu'auriá estat vielh de 2 147 ans.
Lo Ficus religiosa es utilizat en medecina ayurvedica.
Es un arbre sagrat pels bodistas. « L'arbre de la Bodi » mai celèbre se trapa a Bodh Gaya, a unes 100 km de Patna, dins l'Estat indian del Bihar, qu'es jos son fulham que Boda, lo fondator del bodisme, atenguèt lo Bodi, lo Despèrt o coneissença suprèma.
Aqueste arbre es un dels quatre luòcs sants del bodisme; es donc una destinacion fòrça frequentada pels pelegrins. Toca lo temple de la Mahabodhi a Bodh Gaya. Alara que meditava jos aqueste arbre (mencionat coma Assattha dins lo Tipitaka), Siddhartha Gautama a atenguè lo Nirvana. Alara, l'arbre Bo o arbre de la saviesa es considerat coma sagrat e simbolic pels bodistas. .
Sa fuèlha es un motiu decoratiu classic.
Per l'indoïsme, aqueste arbre a tanben una dimension religiosa. Sas fuèlhas e rams èran utilizadas per de sacrificis vedics[3]. Segon la mitologia indiana, lo dieu Vishnó seriá nascut jos un d'aquestes arbres, e lo savi Narada vegèt lo Senhor apareis « dins son còr », alara que meditava joss un tal arbre. Fin finala, lo bruch del vent dins sas fuèlhas es comparat a aqueste de la vina. Es tanben possible qu'una ceremonia se debane jos aqueste arbre pendent lo maridatge.
