Ettore Majorana

Ettore Majorana (Catània, Itàlia, 5 d'agost de 1906 – suspausat mòrt après 1959) es un fisician italian. Es subretot conoissut per seis òbras en fisica subatomica, amb d'aplicacions particularas de la teorias dei neutrins. Sa desaparicion misteriosa e subitana, a la prima de 1938, faguèt empurar de nombroseis especulacions sus un suïcidi ò una desparicion volontària.

Leis òbras de Majorana troban una novèla escota despuèi lei annadas 1980 dins l'encastre d'ipotèsis elaboradas per respòndre ai dificultats dau modèl estandard de la fisica dei particulas coma la correlacion espin-massa, la supersimetria e la rompedura espontanèa de simetria. Donèt son nom a l'eqüacion de Majorana e a la particula de Majorana. En 2006, fuguèt creat lo Prèmi Majorana (Majorana Prize) en sa memòria.

De son vivant, Majorana publiquèt nòu articles de 1928 a 1937 :

• sièis de fisica atomica :

1. Sullo sdoppiamento dei termini Roentgen ottici a causa dell'elettronerotante e sulla intensità délie righe del Cesio en collaboracion amb Giovanni Gentile jr., Rendiconti Accademia Lincei, (1928).
2. Sulla formazione dello ione molecolare di He, "Nuovo Cimento" (1931).
3. I presunti termini anomali dell'Elio, "Nuovo Cimento" (1931).
4. Reazione pseudopolare fra atomi di Idrogeno, Rend. Accademia Lincei (1931).
5. Teoria dei tripletti P'incompleti Nuovo Cimento (1931).
6. Atomi orientati in campo magnetico variabile, Nuovo Cimento (1932) : efècte dich Majorana-Brossel ;

• tres de fisica nucleara :

1. Teoria relativistica di particelle con momento in trinseco arbitrario, dins Nuovo Cimento (1932) (eqüacion quantica relativista, equivalenta a n'aquela publicada en 1945 per Dirac-Fierz-Pauli, emplegant una tecnica nòva de representacion dau grop de Lorentz.
2. Uber die Kerntheorie, dins Zeitschrift fur Physik (1933), e Sulla teoria dei nuclei, dins La Ricerca Scientifica (1933). Sus leis fòrças d'escambi anomenadas d'Heisenberg-Majorana.
3. Teoria simmetrica dell'elettrone e del positrone, dins Nuovo Cimento (1937). Consequéncia de la representacion per Majorana dei matriças de Dirac sota la forma vertadiera: un fermion neutre deu coïncidir amb sa pròpia anti-particula. Racah prepausèt d’aplicar l’idèa ai neutrins.

Fau apondre un article de sociologia, escrich probable en 1932 ò 1933, publicat après sa desaparicion per son amic G. Gentile Jr : Il valore delie legge statistiche nella fisica e nelle scienze, dins Scientia (1942).

En mai d'aquò, fuguèron editats(Kluwer Academic Publishers) :

• Ettore Majorana : Notes on theoretical physics (Volumetti), Salvatore Esposito, Ettore Majorana Jr (son nebòt), Alwyn van der Merwe, Erasmo Recami (2003).
• Ettore Majorana : Unpublished research. Notes on theoretical physics (Quaderni), S.Esposito, E. Recami, A. van der Merwe, R. Battiston (2010).